@user473444492: سجاول جوڻيجو ۾ ڏينهن ڏٺي جو ڦر، ڪاروباري ۽ صحافي ڦر جو شڪار، متاثر ڌر جي پريس ڪانفرنس، ايس ايڇ او تي غفلت جا الزام رپورٽ: سيد روشن سجاول جوڻيجو: سجاول جوڻيجو ٿاڻي جي حد ۾ ڳوٺ صابو ڪلهوڙو ڀرسان ڏينهن ڏٺي جو مبينا ڦر جي واردات بعد متاثر ڌر نيشنل پريس ڪلب سجاول جوڻيجو ۾ پريس ڪانفرنس ڪندي پوليس جي ڪارڪردگي تي سخت تحفظات جو اظهار ڪيو. متاثر ضمير حسين جلباڻي پنهنجي پٽ توصيق حيدر سان گڏ ميڊيا سان ڳالهائيندي ٻڌايو ته هو ڪالهه لاڙڪاڻي کان پنهنجي ڳوٺ واپس اچي رهيا هئا ته ڳوٺ صابو ڪلهوڙو ڀرسان ٽن نامعلوم هٿياربندن روڊ بلاڪ ڪري هٿيارن جي زور تي ٻه لک 45 هزار رپيا روڪ رقم ۽ موبائل فون ڦر ڪري ورتا. هنن الزام لڳايو ته جوابدار ڪجهه دير تائين روڊ تان گذرندڙ ٻين گاڏين کي به ڦريندا رهيا. متاثر ڌر موجب ساڳين هٿياربندن ان ئي واردات دوران ميرو خان پريس ڪلب جي جنرل سيڪريٽري ممتاز علي جاگيراڻي کان پڻ موبائل فون ۽ روڪ رقم ڦر ڪئي، جنهن سبب علائقي ۾ خوف ۽ هراس پکڙجي ويو. متاثرن موجب واقعي کان پوءِ هو سجاول جوڻيجو ٿاڻي پهتا، جتي ايس ايڇ او انور علي ابڙو مبينا طور پنهنجي رهائشگاهه تي آرام ڪري رهيو هو. سندن چوڻ آهي ته ايس ايڇ او کي واقعي واري هنڌ وٺي ويا، پر ان وقت تائين جوابدار فرار ٿي چڪا هئا، جنهن بعد ٿاڻي تي اين سي داخل ڪرائي وئي. ضمير حسين جلباڻي ۽ توصيق حيدر آءِ جي سنڌ، ڊي آءِ جي لاڙڪاڻو ۽ ايس ايس پي قمبر شهدادڪوٽ کان مطالبو ڪيو ته واقعي جو نوٽيس وٺي جوابدارن کي جلد گرفتار ڪري ٻه لک 45 هزار رپيا، موبائل فون ۽ ٻيو ڦريل سامان واپس ڏياريو وڃي، جڏهن ته ايس ايڇ او خلاف به جاچ ڪري قانوني ڪارروائي ڪئي وڃي. هنن خبردار ڪيو ته جيڪڏهن انصاف نه مليو ته هو پرامن احتجاج ۽ ڌرڻو هڻڻ تي مجبور ٿيندا. #سجاول_جوڻيجو #قمبر_شهدادڪوٽ #ڏينهن_ڏٺي_جو_ڦر #ڪاروباري_ڦر_جو_شڪار #صحافي_به_ڦر_جو_شڪار