@kisa_fe_elkhamsena: طبعاً كلنا ​عارفين أم كلثوم؟ الست اللي كانت بتقف على المسرح زي السد المنيع، هيبة وكبرياء ومفيش مخلوق يهزها.. لكن في ليلة واحدة بس في حياتها كلها، مشاعرها غلبتها وبكت قدام الناس وهي بتغني.. والسبب وراه قصة وفاء غريبة جداً. ​طول عمرنا بنشوف في حفلات الست راجل عجوز ووقور، قاعد وراها بالظبط وماسك العود بتاعه.. الراجل ده يا سيدي الموسيقار الكبير "محمد القصبجي". الراجل ده من كتر حبه في أم كلثوم، ساب اسمه ومجده، ورضي إنه يقعد وراها مجرد عازف في الفرقة بعد ما كان من أكبر الموسيقيين في مصر زمان، وضحى بمكانته الفنية بس عشان يفضل ضهرها وسندها على المسرح.. وفضل على الحال ده أكتر من 30 سنة، الست تغني، وتبص وراها تلمحه، فتطمن. ​الحكاية بدأت في ليلة الحفلة اللي بعد وفاته على طول.. الست وقفت تغني أغنية "بعيد عنك".. وطبعاً الأغنية كلها كانت شجن يوجع القلب. ولما وصلت للكوبليه اللي بتقول فيه: ​"بعيد عنك حياتي عذاب.. ما تبعدنيش بعيد عنك" ​الظاهر الكلمات جيت على الجرح قوي.. وبحركة لا إرادية، لفت أم كلثوم وشها عشان تبص عليه.. لكنها ملقتوش! عينيها جت على الكرسي بتاعه وهو فاضي.. و​في اللحظة دي، كأنها استوعبت فجأة إن القصبجي مشي ومبقاش موجود في الدنيا.. فـ كبرياء أم كلثوم كله انهار في ثانية، وخانتها دموعها لأول ولآخر مرة قدام الجمهور، ودخلت في نوبة بكاء شديدة خلت الناس كلها في الصالة تتأثر ودموعها تنزل معاها. ​ومن بعد الليلة دي، ومن كتر وفاء الست لرفيق عمرها، رفضت تماماً إن أي عازف تاني يقعد على الكرسي ده.. وفضل كرسي "القصبجي" فاضي في كل حفلاتها لحد ما مـ.ـاتت.. صحيح الكرسي كان فاضي بس فضل شايل ذكرى وعشرة عمر وفن مش هيرجع تاني. #قصه_في_الخمسينه

قصه في الخمسينه

Open In TikTok:

Region: EG

Tuesday 30 June 2026 20:54:09 GMT