@i3tirafat.majhola: "السلام عليكم، عافاكم بغيت نفرغ قلبي حيت غادية نطرطق ومبقيتش قادرة نزيد نصبر... أنا مزوجة هادي عامين، راجلي جالس من الخدمة هادي عام ، مقابل غير التلفون والقهوة، وأنا لي هازة المصروف وضاربة تمارة بدراعي باش نخلصو الكرا والما والضو وناكلو ونشربو تال هنا ماشي مشكل، كنقول الدنيا هادي و واقفة مع راجلي وصابرة معاه حيت باقة باغاه. ولكن لي قادا ليا الصبر وخرج ليا عقلي، هو البارح دخلت للدار ف العشية عيانة ومقتولة بالتمارة، لقيت مّو و ختو جاو عندو. ملي دخلت، ف بلاصت ما يقولوا ليا الله يعاونك، ناضت عكوزتي عوجات فمها وقالت ليا قدامو: 'إيوة أ لالة عاد جيتي؟السيبة هادي؟ وفين هو العشا؟ راه الدري مقطوع بالجوع من الصباح ما واكل. وراجلي جالس كيشوف فيها ويضحك، وزاد كملها وجملها، قال لمو حقا راه مابقاتش كتجمع الدار فحال شحال هادي ومخلياها مرونة ومطيبش الماكلة... أنا تما الد**م طلع ليا للراس و تجمعت ليا الهضرة ف فمي وما عرفت ما نقول، دخلت لبيتي وخليتهم،هاد الراجل مابقاش عندو غرام د النفس والرجولة؟ عار الله لـقولو ليا أش ندير حيت راسي غيطرطق بالفقصة!" #افتح_قلبك #قصص #واقعية #فرانسا_ايطاليا_بيلجكا_المغرب🇨🇵🇮🇹🇲🇦🇩🇪 #المغرب🇲🇦تونس🇹🇳الجزائر🇩🇿

🖊 اعترافات مجهولة

Open In TikTok:

Region: MA

Tuesday 30 June 2026 23:54:48 GMT