اگست 1947 کی ایک حبس زدہ رات، جب پاکستان بن تو چکا تھا مگر خزانہ بالکل خالی تھا۔ یہ وہ بھیانک راز تھا جو بہت کم لوگ جانتے تھے کہ انڈیا نے پاکستان کے 75 کروڑ روپے دبا لیے تھے تاکہ نیا ملک دیوالیہ ہو جائے۔ ملازمین کو تنخواہ دینے کے لیے ایک پھوٹی کوڑی نہیں تھی۔ ایسے میں قائد اعظم نے بمبئی میں بیٹھے اپنے دیرینہ دوست کو خفیہ پیغام بھیجا: "حبیب! آج پاکستان کو تمہاری ضرورت ہے۔" یہاں سے کہانی کا وہ باب کھلتا ہے جو حیران کن ہے۔ پیغام ملتے ہی بمبئی میں اربوں کی سلطنت چلانے والا نامور بینکر، سیٹھ محمد علی حبیب، اپنا چلتا ہوا کاروبار اور محلات انڈیا میں ہی چھوڑ کر راتوں رات خاموشی سے کراچی پہنچ گیا۔ وہ سیدھا گورنر ہاؤس گیا اور دستخط کر کے ایک 'بلینک چیک' قائد اعظم کے سامنے رکھ دیا۔ قائد اعظم کی آنکھوں میں نمی آئی تو سیٹھ صاحب نے کہا: "اس پر 8 کروڑ لکھیں یا میرا سارا خزانہ خالی کر لیں... میری دولت میرے ملک سے بڑھ کر نہیں!" یہ چیک اس نوزائیدہ ریاست کے لیے آکسیجن ثابت ہوا۔ اسی سرمائے سے سرکاری ملازمین کی تنخواہیں دی گئیں، پہلی کرنسی چھپی، اور سٹیٹ بینک کی بنیاد رکھی گئی۔ جب انڈیا ہمیں مٹانے کا جشن منا رہا تھا، تو ایک بینکر نے تاریخ بدل دی۔ آج جب ہم پھر معاشی دلدل میں ہیں، تو دل یہی سوچتا ہے... کیا آج کے پاکستان کو پھر سے کسی محمد علی حبیب کی ضرورت نہیں؟ #PakistanHistory #QuaideAzam #HabibBank #TrueHero #UntoldStory - @haseebmmd01