@remaz.abd.elmonem: :أعتقد إنو بعض اللقاءات ما اتكتبت عشان تبدأ قصة... اتكتبت عشان تخلينا نعرف إنو في جزء من روحنا كان ناقص، وما اكتشفنا غيابو إلا لمن لقينا الزول البشبهو. الناس بتفتكر إن قيمة اللقاء في الزمن القعدو مع بعض، لكن الحقيقة إن الزمن ما كان يومًا مقياسًا للأثر. في لحظات قصيرة بتعيش مع الإنسان أكتر من أعمار كاملة، لأن الأثر ما بتحسبو الساعة... بتحسبو الروح. الغريب إنو بعض الأرواح، أول ما تتلاقى، ما بتحس إنها بتتعرف... بتحس إنها بتتذكر. كأنو المعرفة بينهما أقدم من الوجوه، وأقدم من الأسماء، وأقدم من اللحظة الاتقابلوا فيها. لذلك بيكون في طمأنينة ما عندها تفسير، وألفة ما محتاجة زمن. لكن يمكن أكتر حقيقة موجعة، إنو اللقاءات العظيمة ما اتخلقت كلها عشان تدوم. في لقاءات رسالتها الوحيدة إنها تغيرك، وتخليك تشوف الحياة بعين ما كنت تعرفها، ثم تمضي، وتسيبك تقضي بقية عمرك تبحث عن الإحساس اللمستو فيها مرة واحدة، وما اتكرر تاني. لأن بعض الناس ما بيمروا في حياتنا عشان يبقوا... بيمروا عشان يثبتوا لينا إنو الروح، مهما تعبت، لسه قادرة تعرف موطنها، ولو للحظة واحدة. وبعد اللحظة دي... ما بترجع الإنسان القديم، مهما حاول.:::
