တကျောင်းလုံး ဖွတ်ကျားတကောင်မျှ မရှိ ဓမ္မာစရိယ ကိုယ်တော်လေးနဲ့ တောဘုန်းကြီး - တောကျောင်းဘုန်းကြီးနဲ့ အဂ္ဂါဘိဓဇ မစိုးရိမ်ဆရာတော်ကြီး .. .. တနေ့ တောကျောင်းဘုန်းကြီးက သူ့တပည့် ဦးဇင်းလေး အကြီးတန်းအောင်လို့ ကမ္ဘာကျော် မစိုးရိမ်တက္ကသိုလ်ကြီးကို မိမိရဲ့ တပည့်ကြီး ဓမ္မာစရိယလုပ်ဘို့ လာအပ်လေ၏ .. .. ဆရာတော်ကြီးက အေး .. ကျောင်းအုပ်ဘုန်းကြီးလေး ဒီဦးဇင်းလေးအတွက် သင့်တော်ရာ တနေရာလောက် နေရာပေးလိုက်ပါ တဲ့ .. .. ဒီမှာ တောဘုန်းကြီးက ဆရာတော် သင့်တော်ရာနေရာ မလုပ်နဲ့လေ၊ တပည့်တော်ရဲ့ တပည့်က ဓမ္မာစရိယ လုပ်မှာလေ သီးသန့်ခန်းလေး အထူးနေရာလေး ပေးမှပေါ့ တဲ့ .. .. ဒီတော့ မစိုးရိမ်ဆရာတော်ကြီးက ဘုန်းကြီးလေးတဲ့ တပည့်တော်တို့ကျောင်းမှာ ဓမ္မာစရိယတွေ များလွန်းလို့ မနက်ခင်း အိပ်ယာက ထ ရင် သူတို့ကို နင်းမိမှာ စိုးလို့ တော်တော်ကို ရှောင်ကွင်းပြီး သွားနေရပါတယ်ဘုရား တဲ့ .. .. အဲဒီ လှေခါးခြေရင်း အိပ်နေကြတဲ့ ကိုယ်တော်လေးတွေ အကုန်လုံးဟာ ဓမ္မာစရိယတွေ ချည်းထဲပါဘုရား တဲ့ .. .. အော် ဒီလိုဆို တကျောင်းလုံး ဓမ္မာစရိယ အတော်များသားကိုးဘုရာ့ တဲ့ လျှောက်ထားပြီး နဖူးချ ဒူးချ ဦးချကာ တောရွာ ပြန်သွားလေတော့သတည်း .. .. မောင်ပဇင်းတို့ မောင်ကိုရင်တို့ ဓမ္မာစရိယက သာသနာတော်ရဲ့ ပထမလှေကားထစ်ပေါ် တင်ပေးလိုက်ပါ၏ .. .. တိပိဋက ပြည်ဆရာတော် အမြဲ သြဝါဒ ပေးသည်ကား ငယ် လတ် ကြီး စာပေတို့ကား ဇာတ်နိပါတ် အင်္ဂုတ္တိုရ် ဓမ္မပဒလောက်သာ ထိတွေ့ရသေး၏၊ ဓမ္မာစရိယရောက်မှ ပါဠိတော် အဋ္ဌကထာ ဘုရားဟောစာ ခပ်များများ အမြဲ ထိတွေ့နေရ၏ .. .. ထို့ကြောင့် ဓမ္မာစရိယရောက်မှ ဘုရားနှင့် တွေ့ရပါ၏ တဲ့ .. .. ဘုရားနှင့်တွေ့ပြီး ဘုရားစကား များများနားထောင် ကျင့်ဆောင်နိုင်ကြပါစေသတည်း တဲ့ .. .. ပထမလှေကားထစ်ပေါ် တက်ရပ်ပြီး အပေါ် လှေကားထစ်များစွာ တက်နိုင်တော်မူကြပါစေသတည်း .. .. သင်ကြားပြီး စာပေ တထွေချ ပို့ တဖြာ ဟောကြား အလေ့အလာများမှ အဝါး ဝ များများ လေ့လာတော်မူကြပါဘုရား .. .. ပညာနာမ န ပစိတွာ ၊ ခါဒနတ်ထာယစ ကတာ ။ ဝိစာရဏတ်ထာယဝေ စ ၊ ပညာဏန်တိ ပဝုစ်စတိ ။ ( ကုဏ္ဍလကေသီ ထေရီပဒါန ) မင်းကွန်းကိုပညာ သီရိလင်္ကာ ဂျွန် ၁၅ ၂၀၂၅ - @venvero88