@lovelorn.lay: 🚨 BREAKING NEWS | တောင်ကြီးတွင် တိုက်ပြေးယာဉ်ကြောင့် လမ်းဖြတ်ကူးသူတစ်ဦး သေဆုံး၊ နာရီပိုင်းအတွင်း ယာဉ်မောင်းဖမ်းမိ ရှမ်းပြည်နယ်(တောင်ပိုင်း)၊ တောင်ကြီးမြို့တွင် လမ်းဖြတ်ကူးနေသည့် လူနှစ်ဦးကို အရှိန်ပြင်းမောင်းနှင်လာသည့် Honda Edix အနက်ရောင်ယာဉ်က ဝင်ရောက်တိုက်မိပြီး ထွက်ပြေးသွားသည့် ဖြစ်စဉ်တွင် အမျိုးသားတစ်ဦး သေဆုံးခဲ့ကြောင်း သိရသည်။ ဖြစ်စဉ်မှာ ည ၈ နာရီဝန်းကျင်ခန့်က သာသနာ့ဗိမ္မာန်ရှေ့ လမ်းလယ်ကျွန်းအနီးတွင် ဖြစ်ပွားခဲ့ခြင်းဖြစ်ပြီး၊ လမ်းတစ်ဖက်သို့ ဖြတ်ကူးနေသည့် အသက်(၅၆)နှစ်အရွယ် ဦးဒီလ်ဗဟာဒူးနှင့် အသက်(၅၃)နှစ်အရွယ် မရေနူးတို့ကို ဗိုလ်ချုပ်လမ်းအတိုင်း အရှိန်ပြင်းမောင်းနှင်လာသော ယာဉ်က ဝင်ရောက်တိုက်မိခဲ့သည်။ ယာဉ်တိုက်မှုကြောင့် ဦးဒီလ်ဗဟာဒူးမှာ အခင်းဖြစ်ပွားရာနေရာတွင်ပင် သေဆုံးခဲ့ပြီး၊ မရေနူးမှာ ထိခိုက်ဒဏ်ရာရရှိခဲ့ကြောင်း ဒေသတွင်း သတင်းရင်းမြစ်များထံမှ သိရသည်။ ယာဉ်မောင်းမှာ အခင်းဖြစ်ပွားပြီးနောက် ရပ်တန့်ကူညီခြင်းမရှိဘဲ မောင်းနှင်ထွက်ပြေးသွားခဲ့သည့်အပြင် အခြားယာဉ်တစ်စီးကိုလည်း ပွတ်တိုက်ခဲ့ကြောင်း သိရသည်။ ထို့နောက် မြန်မာနိုင်ငံရဲတပ်ဖွဲ့ဝင်များက မြို့အနှံ့ရှိ CCTV မှတ်တမ်းများ၊ လမ်းဆုံလမ်းခွများရှိ ကင်မရာများနှင့် ဒေသခံပြည်သူများ၏ ပူးပေါင်းကူညီမှုဖြင့် နာရီပိုင်းအတွင်း ကျောင်းကြီးစုရပ်ကွက်၌ ယာဉ်နှင့်အတူ သံသယရှိသူများကို ဖမ်းဆီးနိုင်ခဲ့ကြောင်း သိရသည်။ လက်ရှိတွင် ယာဉ်မောင်း ခွန်မောင်ရွှေကို ရာဇသတ်ကြီးပုဒ်မ ၂၇၉/၃၀၄-က ဖြင့် အမှုဖွင့်အရေးယူထားပြီး၊ ယာဉ်ပိုင်ရှင် စိုင်းနောင့်နောင့်နှင့်အတူ ပို့ကုန်သွင်းကုန်ဥပဒေ ပုဒ်မ ၈/၁၀ အရလည်း ဆက်လက်စစ်ဆေးအရေးယူလျက်ရှိကြောင်း သက်ဆိုင်ရာထံမှ သိရသည်

꧁༺ MKZ ༻꧂

Open In TikTok:

Region: MM

Wednesday 01 July 2026 13:08:45 GMT