@podcastmejonen1: Po dëgjojmë të thuhet se: "Ka forca të errëta që nuk duan zhvillimin e Shqipërisë, nuk duan integrimin në Bashkimin Evropian dhe po organizojnë protestat." Po kush janë "ata"? Nëse flasim për ata që për 35 vite e kanë penguar zhvillimin e Shqipërisë, nuk ka nevojë t'i kërkojmë larg. Janë qeveritë që kanë drejtuar dhe drejtojnë vendin. Janë ata që lejuan shkatërrimin e industrisë shqiptare, mbylljen ose privatizimin pa vizion të fabrikave, uzinave, ndërmarrjeve dhe kooperativave, duke lënë mijëra familje pa punë. Janë ata që nuk ndërtuan një ekonomi prodhuese, por krijuan një model që mbështetet kryesisht te importet, ndërtimi dhe emigracioni. Janë ata që lanë bujqësinë pa mbështetje të mjaftueshme, duke bërë që shumë fshatra të zbrazen dhe toka të mbetet djerrë. Janë ata që nuk krijuan kushte që të rinjtë të ndërtonin jetën në vendin e tyre, ndërsa qindra mijëra shqiptarë u larguan në emigracion. Janë ata që nuk luftuan me korrupsionin, klientelizmin dhe abuzimin me fondet publike, duke dobësuar besimin e qytetarëve te institucionet. Janë ata që nuk garantuan një sistem shëndetësor dhe arsimor me standardet që qytetarët meritojnë. Janë ata që për dekada kanë premtuar zhvillim, por në shumë raste qytetarët vazhdojnë të përballen me paga të ulëta, kosto të larta jetese dhe mungesë mundësish. Nuk ka nevoje t'i kërkoni larg forcat e erreta, forcat e erreta jeni ju! Jeni ju qe nuk doni zhvillimin tonë, jeni ju qe doni te pasuroni vetëm rrethin tuaj, edhe sot na flisni për grupe qe lindën nga askundi, jo jo jeni ju që prej 35 vitesh nuk keni mundur ta shkruani historinë me rezultate por duke fajësuar te tjeret, e duke gjetur justifikime! Nga Fationa Molla Production by Radi Marketing

Fatjona Molla

Open In TikTok:

Region: AL

Wednesday 01 July 2026 14:06:04 GMT