#အကောင့်တွေအားလုံးကနေ Block ခံလိုက်ရပြီးတဲ့နောက် ငါဘာမှားသွားလို့လဲ ဆိုတဲ့ အဖြေတစ်ခုကို သိချင်လို့ နည်းလမ်းပေါင်းစုံနဲ့လိုက်ပြီး ဆက်သွယ်ဖို့ ကြိုးစားနေတုန်းလား ..?? ဖုန်းနံပါတ်အသစ်တွေနဲ့ စာပို့တာ ဒါမှမဟုတ် ဘေးလူတွေက တဆင့် အကျိုးအကြောင်းမေးခိုင်းတာကို ချက်ခြင်းရပ်လိုက်ပါ။ မင်းကို Block ထားတဲ့ သူဆီကနေ စကားလုံးတွေနဲ့ လာမယ့်အဖြေကိုသွားပြီး မျှော်လင့်မနေပါနဲ့တော့ ဘာကြောင့်လည်းဆိုတာ ခါးသီးပေမယ့် လက်ခံရမယ့် အရှိတရားကို မျှဝေပေးပါရစေ။ '' နှုတ်ဆိတ်ခြင်းထက် ပြတ်သားတဲ့ ဆုံးဖြတ်ချက် '' လူတစ်ယောက်ကမင်းကို အဆက်အသွယ် ဖြတ်တောက်လိုက်ပြီဆိုကတည့်က သူဟာ မင်းရဲ့စကားသံတွေ၊ မင်းရဲ့ရှင်းပြချက်တွေနဲ့ မင်းရဲ့ဖြစ်တည်မှုတွေကို သူ့ဘဝထဲမှာ ထပ်ပြီးမရှိစေချင်တော့ဘူးလို့ လုပ်ဆောင်ချက်နဲ့ သက်သေပြလိုက်တာပါ။ စကားလုံးတွေနဲ့ ငါတို့လမ်းခွဲရအောင်လို့ပြောတာထက် အဲ့ဒီ Block လိုက်ခြင်းက ပိုပြီး စူးရှ ပြတ်သားတဲ့ လမ်းခွဲမှု အစစ်အမှန်ဖြစ်ပါတယ်။ တန်ဖိုး အနှိမ်ခံရတဲ့ထောင်ချောက်၊ အဖြေတစ်ခုရဖို့အတွက် သူ့အနားကို အတင်းအကျပ်ကပ်သွယ်ဖို့ ကြိုးစားနေသ၍ မင်းဟာ ကိုယ့်ရဲ့သိက္ခာကို သူ့လက်ထဲပုံအပ်ပြီး အောက်ကျနောက်ကျ အလုပ်ခံနေရတာနဲ့ အတူတူပါပဲ။ မင်းဘက်က အတင်းအကျပ် မေးခွန်းထုတ်နေခြင်းဟာ တစ်လူအတွက်တော့ သူ ငါ့ကို မခွဲနိုင်သေးပါလား ဆိုတဲ့ အတ္တကို ပိုပြီး ကြီးထွားစေဖို့ အခွင့်အရေး ပေးလိုက်သလိုဖြစ်သွားတတ်ပါတယ်။ အဖြေဆိုတာ စကားလုံးထဲမှာမဟုတ်ဘူး ငါ့ကိုဘာလို့ ဒီလို လုပ်ရတာလဲဆိုတဲ့ မေးခွန်းရဲ့အဖြေဟာ သူ့ရဲ့လုပ်ရပ်ထဲမှာပဲ ပြီးပြည့်စုံစွာ ပါဝင်နေပြီးသားပါ။ မင်းရဲ့ခံစားချက်တွေကို လျစ်လှူရှုပြီး ဘဝထဲကနေ အလွယ်တကူ ထုတ်ပယ်ရဲတဲ့ သူဟာ မင်းရဲ့အနာဂတ်ကို ပုံအပ်ဖို့ လုံးဝ မထိုက်တန်တဲ့သူဖြစ်တယ်ဆိုတာ အထင်ရှားဆုံး အဖြေပါပဲ။ မှတ်ထားပါ ... တံခါးကို ဂျက်ထိုးပိတ်ထားတဲ့ အိမ်တစ်လုံးရှေ့မှာ ရပ်ပြီး တံခါးခေါက်နေတာဟာ ကိုယ့်ရဲ့အချိန်နဲ့ ဂုဏ်သိက္ခာကို ဖျက်ဆီးတာပါပဲ။ သူ ပိတ်လိုက်တဲ့ တံခါးရှေ့ကနေ ရဲရဲဝံ့ဝံ့ ကျောခိုင်းပြီး လှည့်ထွက်လိုက်ပါ။ မင်းဘက်ကလည်း သူ့ကို ဘဝထဲကနေ ပြတ်ပြတ်သားသား Block လိုက်ခြင်းကသာ မင်းရဲ့တည်ငြိမ်မှုနဲ့ တန်ဖိုးကို အမြင့်ဆုံးနေရာမှာ ပြန်လည်ရယူလိုက်တာပါပဲ။ - @salai.lmc