⭕ អធិការដ្ឋាននគរបាលខណ្ឌកំបូល | លួចថតកម្លាំងនគរបាលខណ្ឌកំបូលកំពុងបំពេញភារកិច្ច មិនដឹងមូលហេតុច្បាស់លាស់ និងយករូបភាពបង្ហោះតាមបណ្ដាញសង្គម TikTok ដោយគ្មានការអនុញ្ញាតពីសមត្ថកិច្ច...! ដោយអនុវត្តតាមបទបញ្ជាយ៉ាងម៉ឺងម៉ាត់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ អធិការដ្ឋាននគរបាលខណ្ឌកំបូល មានកិត្តិយសសូមបំភ្លឺជូនសាធារណជនឱ្យបានជ្រាបថា៖ កាលពីថ្ងៃទី៣០ ខែមិថុនា ឆ្នាំ២០២៦ មានម្ចាស់គណនី TikTok មួយឈ្មោះ Visal.an.1999 បានលួចថតកម្លាំងនគរបាលខណ្ឌកំបូលកំពុងបំពេញភារកិច្ច មិនដឹងមូលហេតុច្បាស់លាស់ និងយករូបភាពបង្ហោះតាមបណ្ដាញសង្គម TikTok ដោយគ្មានការអនុញ្ញាតពីសមត្ថកិច្ច ស្ថិតនៅចំណុចកែងស្តុបជន្លង់ម្លូ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ កំឡុងពេលដែលកម្លាំងនគរបាលខណ្ឌកំបូលកំពុងល្បាតការពារសន្តិសុខ សណ្ដាប់ធ្នាប់ និងបង្ក្រាបបទល្មើសនានាស្រាប់តែមានម៉ូតូបំពាក់ស៊ីម៊ាំងកែឆ្នៃ និងគ្មានបំពាក់ផ្លាកលេខបានធ្វើដំណើរឆ្លងកាត់គោលដៅខណៈនោះសមត្ថកិច្ចបានឃាត់តែម្ដង ដោយអ្នកបើកបរមានឈ្មោះដូចខាងក្រោម៖ ១-អ្នកបើកបរឈ្មោះ គា វេងគង់ ភេទ ប្រុស អាយុ ៣០ឆ្នាំ មុខរបរ កម្មកររោងចក្រ បច្ចប្បន្នស្នាក់នៅ សង្កាត់កន្ទោក ខណ្ឌកំបូល រាជធានីភ្នំពេញ »ម៉ូតូ ០១គ្រឿងម៉ាក Yamaha Exciter ពណ៌ខ្មៅឆ្នាំ២០២០ 150cc ពាកផ្លាកលេខ គ្មាន (បំពង់សីម៊ាំកែច្នៃខុសបច្ចេកទេស) ក្នុងអំឡុងពេលសមត្ថកិច្ចយើងនាំខ្លួនដោយបានឯកភាពពីម្ចាស់ម៉ូតូខាងលើ ទៅសាកសួរនៅអង្គភាព ស្រាប់តែមានជនស៊ីវីលចំនួន ០២នាក់ បានលួចថតសមត្ថកិច្ចយើង និងប្រើពាក្យថា«ប៉ូលីសជិះម៉ូតូមិនដាក់កញ្ចក់ មិនដាក់ផ្លាកលេខ និងបំពាក់បំពង់ស៊ីម៊ាំងកែច្នៃទៀត» បង្ហោះក្នុងបណ្ដាញសង្គម TikTok កន្លងមកដោយអនុវត្តតាមផែនការដឹកនាំយ៉ាងម៉ឺងម៉ាត់របស់ ឯកឧត្តម ឧត្តមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ បានបង្ក្រាបបទល្មើសបំពាក់បំពង់ស៉ីម៊ាំងកកែច្នៃខុសបច្ចេកទេស បានជាច្រើនគ្រឿង និងបានធ្វើអប់រំ ធ្វើកិច្ចសន្យាដល់ម្ចាស់ម៉ូតូផងដែរ *បច្ចុប្បន្នអធិការដ្ឋានខណ្ឌកំបូល កំពុងធ្វើការស្រាវជ្រាវរកម្ចាស់គណនី TikTok ឈ្មោះ Visal.an.1999 មកធ្វើការបំភ្លឺដើម្បីកុំឱ្យមានការភាន់ច្រឡំពីប្រជាលពលរដ្ឋ ៕ @ឡៅតឿ ហតផត - @vantha_reporter