@guides_for_moms: ابني الرضيع كل ما بحط إيدي على راسه بحس إن راسه سخنة، هل دا طبيعي ولا الطفل دا عنده مشكلة؟ بصي يا ست الكل، المخ من أكثر الأعضاء في الجسم اللي بيوصلها كمية دم كبيرة، لأن المخ بيحتاج كمية أكسجين كبيرة وكمية مغذيات كبيرة، عشان كدا الدم اللي واصل للمخ بيبقى كميته كبيرة، النقطة دي مهمة. النقطة الثانية، حجم راس الطفل الرضيع مقارنةً بحجم جسمه يعتبر كبير، يعني حضرتك لو بصيتي في المراية وشوفتي حجم راسك بالنسبة لحجم جسمك، هتلاقي الحجم دا يعتبر صغير، دا عكس الطفل الرضيع، حجم راسه بالنسبة لجسمه يعتبر كبير، وكمية الدم اللي بتوصل للدماغ كبيرة جداً، عشان كدا بنحس إن راس الطفل دايماً أسخن من جسمه. السؤال هل دا طبيعي ولا لأ؟ حضرتك لو حسيتي إن راس الطفل الرضيع سخنة وإنت قلقانة، قيسي حرارة الطفل بالترمومتر، لو حرارة الطفل طبيعية يبقى ما تقلقيش طفلك ما عندوش مشكلة، لكن لو حرارة طفلك أعلى من 37 وسبع شرط، يبقى الطفل دا حرارته تعتبر عالية، وهنا حضرتك لازم تروحي لدكتور الأطفال عشان يحدد ليه الطفل دا حرارته عالية، هل الطفل دا بيسنن فدفيان شوية ولا الطفل دا عيان؟ كمان لو الطفل حرارته عالية وظاهر عليه أي أعراض مرضية زي إسهال، ترجيع، كحة، رشح، خنفرة، أو أي أعراض مرضية، يبقى الطفل دا حرارته عالية عشان الطفل دا عيان، دا الفرق ما بين الاثنين." #الطفل #guides_for_moms #اكسبلور؟ #تغذية #اطفال

Guides For Moms

Open In TikTok:

Region: DZ

Wednesday 01 July 2026 15:14:14 GMT