@riham_jameel: عزيزي طالب الثالث متوسط الي يريد يدرس بأمريكا بمنحة ورا السادس، لازم تسوي الآتي: 1. ركز بإمتحانات البكلوريا هسه. معدل صف الثالث مهم و مطلوب، حاول تجيب معدل نهاية التسعين. لا تشتت نفسك هسه بأي شي لاخ. 2. ورا الثالث بالعطله، تعلم انكليزي. هاي اهم شي! من شهر السادس هاي السنه الى شهر السادس ورا سنتين لازم توصل اقل شي B2 بالانكليزي. 3. بلش تطوع بالعطله و شارك بكل صفيرة و جبيرة تصير بمحافظتك، سواء اونلاين او حضوري. تعرف على ناس، فوت بكروبات، قنوات تليكرام، و تابع اشخاص ينشرون فرص تطوع، مسابقات، كورسات و الخ... 4. جيب معدل عالي كلش بصف الرابع و استمر بالتطوع و النشاطات على مستوى مدرستك و خارجها بصف الرابع. 5. ورا صف الرابع المفروض تصير عندك خبرة لإدارة المشاريع و التطوع و الى اخره، بلش اشتغل عله مشروع مهم و مفيد و تكون انت المؤسس مالته. 6. بلش ادرس لل SAT بعطله الرابع للخامس لقسم الرياضيات. 7. ورا الرابع حاول تسوي نشاطات جبيره كلش على مستوى الدوله يعني. 8. بصف الخامس استمر بالشغل على مشروعك و ظل نشط بالمجتمع و كمل دراسة sat math و كمل تعلم انكليزي و سجل ل AP Class exam اختار المواد الزين بيها و جيب معدل عالي. 9. بلش ادرس لل APs بصف الخامس. 10. ورا صف الخامس اختم الانكليزي. 11. ورا صف الخامس سوي امتحان ال toefl او اي امتحان لغة. 12. سوي ال APs بالعطله من الخامس للسادس. 13. كمل دراسة ال sat English. 14. سوي امتحان ال sat بدايه السادس. 15. بلش تقدم بداية صف السادس على الجامعات الأمريكية. فكرة هاي الخطه انو يكون عندك معدلات عاليه كلش + انكليزي ممتاز + سيرة ذاتيه محترمه + وقت كافي للتحضير الاختبارت حتى تكدر تقدم على الجامعات الأمريكية #creatorsearchinsights

Riham Jameel | ريهام جميل

Open In TikTok:

Region: US

Wednesday 01 July 2026 17:22:39 GMT

8036

400

Music

Download

No Watermark .mp4 (1.5MB) No Watermark(HD) .mp4 (0.97MB) Watermark .mp4 (1.56MB) Music .mp3

Comments

ς(>‿<.)ྀི :

بنات معدلي 98 زين؟

2026-07-01 21:09:18

حسين احمد :

زين يرهم طالب خامس

2026-07-01 19:18:09

fa_f17a :

اني حاليا جبت معدل 81 هل عندي فرصه اذا اسوي كل يلي كلتي علي!؟؟

2026-07-01 17:34:41

Zahraa :

معدلي بالثالث 75،هذا راح يمنعني من اقدم منح لو اذا قويت نفسي بالرابع و الخامس راح تصير عندي فرصه؟

2026-07-02 07:59:17

Nermin Muslim :

اكدر انقبل بفرنسا اذا معدلي بالثالث 76 وباقي المراحل أن شاء الله اجيب بيها معدل عالي ممكن تردين ؟

2026-07-01 17:56:01

M!. :

زين اني لغه الانجليزي مالتي B1 و رححح ادخل هاي السنه للثالث ودا ابدي بمشروع و من اخذ ارباح اتبرع و اكتب لان احب الكتابه دا اكتب اول روايه الي و افكر بعطله الثالث اسوي بحث عن شخصيه علميه و هم اكمل اطور الانجليزي مالتي واريد اقدم على مدارس UWC وره مرحله الرابع الاعدادي، من رأيچ انقبل بمنحه؟؟

2026-07-01 17:38:30

𝔄✮⋆ :

تكدرين تحجين عن برنامج تبادل ثانويه لمدة سنه في أمريكا ؟

2026-07-01 21:45:07

يافرج الله :

شلون اسوي مشروع مفيد ممكن تگلولي وشلون اتطووع ماعرفف

2026-07-01 21:14:44

🇮🇶 :

ريهام درجاتي بالمراحل السابقة تعبانة بس بالسادس اكدر اطلع معدل عالي لان تركت الشغل وتركت كلشي وتفرغت للسادس وعندي مقالة شخصية قوية تخص احداث 2014 واكدر اوفر باقي المتطلبات اقدم على منحه بعد السادس لو ما اكو امل بسبب معدل السنوات السابقة

2026-07-01 18:36:26

زهراء± :

ريهامم تابعتج ردي علية والله عندي هواي اسالة اريد اسالج اياهاا تفهميني عليج الله ردي حتى تفهميني وابدي بحلمييي💗💗

2026-07-01 19:38:14

مجهول :

تكدرين تحجين على الدراسة بايطاليا للبكالوريوس

2026-07-01 23:41:36

ابن العراق 🇮🇶 :

😂😂😂

2026-07-01 23:59:11

To see more videos from user @riham_jameel, please go to the Tikwm homepage.