@za_5862: لم يتم العثور على الحساب .... جملة صغيرة بس كسرت بداخلي ألف شعور، مو لأن الحساب اختفى لا ... لأن وراه شخص كنت أعتبره قطعة من روحي. شكد مؤلم من تبحث عن شخص جان يومك كله بيه، وتطلعلك هالجملة الباردة وكأنها تكلك إن كلشي انتهى، وإن الطريق اللي بينكم انسد بدون حتى فرصة أخيرة للحجي جان مجرد حساب بالنسبة للناس، بس بالنسبة إلي جان مكان ألقى بيه روحي أطمن من أشوف اسمه، وأبتسم من أشوفه متصل. وهسه؟ حتى اسمه اختفى، كأن وجوده كله انمحى من حياتي. مو مستوعبة شلون الإنسان يتحول من أقرب شخص إلك إلى "لم يتم العثور على الحساب"، شلون الذكريات تبقى وحدها بينما الشخص نفسه يختفي وكأنه ما مر يوم بحياتك. أكثر شي يوجع مو البلوك، ولا الاختفاء... الوجع الحقيقي إنك تبقى تتذكر كل التفاصيل وحدك، بينما الطرف الثاني قدر يكمل حياته وكأنك ما كنت يوم جزء منها. وأنا؟ بعدني كل ما أشوف هالجملة أحس بقلبي يهبط، لأن مو الحساب اللي ضاع ... الشخص اللي كنت أحبه هو مشتاقلها حيل مو شوية ، مشتاقلها بكل لحضة وبكل مكان أمر بي أحس طيفها يمر كدامي ويضحكني حتى وأنا حزين ، مشتاقلها لأن هي مو بس إنسانة بحياتي؟ هي جانت راحتي وضحكتي ونفسي اللي أتنفسه لأن يومي بدونها ماله معنى وكل شي حوالي يصير باهت بدون لون!! مشتاقلها! لأن كل كلمةة جانت تحجيها بعدني أسمعها بأذاتي كأنما ا هسه تحجي وياي . مشتاقلها لأن حتى الزعل ویاهاا جان حلوو لأن بي إحساس حب ، مشتاقلهاا لأن كل الذكريات اللي بينه تصير دتنعادد براسيوأنا ماكدر اوكفها ، مشتاقلها لأن بينه اسرار وضحكات ودموع محد يعرفها غيرها ، مشتاقلها لأن اريد اشوفهاا بس لحضة وحدة حتى لو ما تحجي وياي حتى لو بس تمر كدامي وتروح أضل مبتسم وراها . مشتاقلها الأن كلبي بعده متعلق بيها رغم كلشي رغم الفراق والوجع رغم الوقت اللي ديمشي وأنا بعدني بمكاني ، مشتاقلها لأن مو بس احبهاا لاا ؟ هي سكنت بيه وصارت جزء مني ماكدر انساها مشتاقلها حيل وشكد متتصور مشتاقلها بكل ثانيه وبكل دقيقه وبكل ساعه وبكل لحظه هيه مموجوده بيها مشتاق لكلامها ولصوتها مشتاق لكلشي يوحي الها جان وجودها يمي يكفي انو يشبعني لسنوات طويله جنت احس بالامان يمها احس اني اسعد بشر بالدنيا جان يبين عليه شكد نفسيتي مرتاحه وشكد بالي مرتاح من جانت يمي يكولون مبين من وجهك شكد مرتاح ولا مبين عليك انت تعبان اكولهم غير النور يشع بدنياي ؟ مشتاقلها حيل اتمنى بس لو ساعه وحده ابقى حاضنها وبدون منسولف بس اضل اتلمس بوجها اباوع بعيونها حرمتني منها وراحت وعافتني ضايع ومتشتت

زينبــ/🇮🇶⃤𝒁𝒂𝒊𝒏𝒂

Open In TikTok:

Region: IQ

Wednesday 01 July 2026 18:23:52 GMT