‏بعد فترة شوية طويلة، صُرت واعي أكثَر، وصار عِندي غُرفة بَسيطة على گد الحال، وخصوصية أكبَر.. وبيوم.. جدي چان طالع، وأني گاعد يم بيبي أدرس الساعة بالتسعة وتلاثة وعِشـرين دقـيقة مَـسـاء يوم الخَميس، سمعنـة أصوات بچـي وناس يم الـباب ودگة قوية، ركضت أفتَـح الباب وبيبي وراي.. ‏ ‏ ‏شفت جدو ويمة عائلة، حالهُم مبــهذَل، وبيبي گُبل تفهمَت وطببتهم، كأنوا تِـدري بيهُم، وچانوا مكونين مِن.. ‏______________ ‏الأب, قُصي. ‏الأم, أُفضل عَدم الذُكر. ‏الأكبر, عَلي الأكبر. ‏الوسطاني, زَين العابدين. ‏الي بينهُم, رؤى. ‏الصغيرة, أبرار. "الله يرحمها." ‏______________ ‏ ‏وجدو يمسَح جبهتة ويمشِي بعِــكازته بالگوة، وبيبي راحت جابت مَي وملابس وأكل وكلهُم ساكتيـن عدى الأب والأم الي يتشكرون، وبدأوا يعرفون عَن نفسهُم، وشلون أجوي مِن الرمادي.. ‏ ‏ ‏قُصي: أني قُصي، أبو علي اعذروني والله ماريد نثگل عليكُم هواي، يومين الاگي شغل واطلع والله، بس الضُـروف والله الضُـروف، چنت بالـ.. ‏ ‏ ‏من سمَعت قُصي، بچيت وركضت لغرفتِي ، چان اكو شُبـاك صغير ماچانت ترضى بيبي أفتحة، لگيته مَفتوح،تجاهلِـت وسَديتـة، ورِحت سَديـت الباب وبچيت، وأگول عندهم نَفس اسم ابوية أكيد هسة مدللهُم خَلي يحمـدون ربهُم عايش، ليش أني لا؟ وأرجع أگول هُمام اسكت.. هُمام ذولة نازحين ليش تبچي وتگول مدللين هم محتاجين اكثر منك أفهَم شويه.. ‏ ‏ ‏مِسحِــت دموعي، ورِحت للأستقبال، وسمَعت قُصي يگول.. ‏ ‏ ‏قُصي: چان الوَضع سيء، سَحبت أم علي والجهال وطلعنة نركض الدواعـ.ـش بكل زاوية واصوات القناصات سالفة ثانية، وصلنة لركُن الشارع حاصرونة وأخذوا بنـتي،عُمرها 8 شهور كتلوها گدامي والله گدامي.." وگام يبچي".. وصار صوت قناص قوي إلتفتوا يشوفون وشردنة مشينة مسافات طويلة كُلش وأتجهنة لبغداد نُركض بأقوى ماعدنة، چان عدنة أمل نگدر نروح البغداد، ووصلنة للحدود منعونا من الدخول من جسر بزيبز علمود أجراءات الكفيل لأن لازم ييجي كفيل من بغداد يوقع وياخذنه، ولحُسن الحظ چان أكو ناس عِندهُم عرف وگدروا يدخلون اغلب الناس واحنه من ظمنهُم،طَبينه بالأطراف وكومة ناس تاخذ سيارات وتطلع عَلى ديالى وكركوك،طلعنة على ديالى ووصلنه لسيطرة السُليمانية چانت صارمة بتفتيشها على كُل العوائل بس ماطلبت كفيل، ساعات ننتظر وأخذنه أقامة وأحنة ندور على فِندق يناسب ميزانيتنا.. وماكو ،وصادفت بيك عمي مِن چِـنـت تلث ايام ننام أني وجهالي وزوجتي، لا أكل ولا شرب ، وأني جداً أتشكرك ابوو..ابوو؟ ‏ ما أتذَكر أغلب الكلام لأن چان أكثر، إعذروني أخواني وخواتِي. ‏ ‏حَسن: هُمام.. أبو هُمام ‏ ‏ ‏وإلتفتلي جدو مُبتسم، أبتسمت، ولأول مرة أحس أن الأبتسامة تطلع مِن كُل گلبي، حَســيت جدو وبيبي اكبر عَوض إلي بهالدنيا بعَد وفاة أهلي، بَعدين جِدي فهم هسة همة تعبــانيِن أكيد يريدون ينامون، فَـ جاب فراشات بالأستقبال وتقريباً ساعتين والكُل نام، الا هُمام.. ‏ ‏ ‏أفكر بِسالفتهُم، يجوز هُمة چذابين وهاي طَـريقة عَلمود أحنة هم يكتلونة؟ يجوز ذولة دواعـ.ـش؟ بس استغفر ربي وأحَـاول انام.. ‏_________________ ‏رؤى^ ‏ ‏گعدت الفَجر جُوعانة، وهُمة غُربة شلون اگوم أكل؟ راح اگوم.. بس كون بهِـدوء ومَحد يعرُف.. ‏ ‏_________________ ‏هُمام^ ‏سمَعت أصوات خَفيفة جوة، خِفت گلت يجوز صدُك يريدوني يكتلونَـة ، بأثناء مدأنزل مِن الدرَج، شِفت رؤى، أصغر مني بسنتنين، ملامحهة بريئة.. شعَرها طويل لونه ساحِر وناعِم، عُيونها عسلية ومَسحوبة، أستوعبت وأنتبهت أني وين صافن، رجـَعت صعَدت خِفت تتفَـــشل اذا شِفتها تاكُل.. ‏ ‏ ‏بعَد وَقت طويل نِمـــت، گعَدت على صوت بيبي.. ‏ ‏ ‏أمل: گوم هُمام بيبي روح جيب نانى هَجَري للخُطار عَيب يگعدون وماكو ريوگ "نانى هَجَري تَعني خُبز حجري" ‏ اكثرية الكلام بالكُردي، لذَلك راح أحاول احُط معاني. ‏ ‏گِمت، غسلت وجهي ونزلت، اخذت فِلـــوس مِن جدو ورحت أجيب، بطريقي شفت بزونة، لونها اسود وعيونها خُـضـر، حبيتها، وجان الجو مُـشمـس، مشيت ايدي على راسها.. بس وَخَــرت.. خَرمشتني، أيدي بَدت تطلع د.م، مَابچيت بس عَصبت، ركضت للبيت وشِفت رؤى تباوع مِن الباب.. الغَيثُ، بعدَ إنقِطاع إلرجاء. #fyp #fypシ゚ #ppppppppppppppppppppppp #viral #foryoupage - @hh2.m3