تۆ لەوێ بێئاگای لەوەی من لێرە چۆن لەنێو خۆمدا دەسووتێم و کڵپە دەسەپێنم بەسەر ڕۆحمدا، ئیهمالکردنەکانت وەک خەنجەرێکی کول وان لە جەستەی شەکەتم کە هێواش هێواش بەرەو مەرگم دەبەن، خۆزگە ڕۆژێک تەنیا بۆ ساتێک لەو خەیاڵە مەستەت بەئاگا دەهاتی و دەتبینی چۆن لەبەر چاوانت دەتوێمەوە، تۆ خەریکی ژیانی خۆتی و منیش لێرە لەناو گێژاوی تەنیاییدا شەڕ لەگەڵ سێبەر و یادگارییەکانت دەکەم، بێدەنگییەکەت هاواری کۆتایی منە بەڵام گوێچکەکانی تۆ ڕاهاتوون تەنیا دەنگی بێباکی خۆیان ببیستن، هەموو شەوێک کە دنیا بێدەنگ دەبێت من لەگەڵ ئازارەکانمدا دادەنیشم و گلەیی لە دڵڕەقیی تۆ دەکەم، تۆ وا دەزانی من هێشتا وەک چیا بەپێوە وەستاوم بەڵام نازانی لەناخەوە بوومەتە وێرانەیەکی بێدەنگ، سەیر بکە چۆن بە جێهێشتن و بێباکیت تەمەنی منت کورت کردەوە و خۆشیشت نەتزانی چیت بەسەر هێنام، هەر دڵۆپە فرمێسکێک کە لە چاوم دێتە خوارێ چیرۆکی غەدرێکی تۆ و بێئاگاییەکی قووڵت دەگێڕێتەوە، ئیتر هێزی بەرگەرتنم نەماوە لەبەردەم ئەم هەموو فەرامۆشییەدا کە وەک ژەهر دەرژێتە ناو دەمارەکانمەوە، تۆ لەناو دونیای بێخەمیی خۆتدا پیاسە دەکەی و منیش لێرە هەنگاو بە هەنگاو بەرەو نەمان دەڕۆم، ئەمە چ جۆرە دڵێکە کە دەتوانێت هێندە بێئاگا بێت لە حاڵی کەسێک کە هەموو بوونی خۆی پێشکەش کردبوو، سەرەنجام من دەبمە نێچیرێکی بێدەنگی ئەم تەنهاییە و تۆش هەرگیز تێناگەی چیت لەدەستدا و کێت لەناو برد. - @user.di4aa.138