अपराधी जतिसुकै शक्तिशाली ओत लागेर बसेको होस्, अब कानुनको पञ्जाबाट उम्किन पाउने छैन। न्याय पाउन वर्षौँ लाग्यो होला, तर अब अन्धकार सकिनेछ। न्याय ढिलो हुन सक्छ, तर मर्दैन। विगतमा कसले फाइल लुकायो, कसले प्रमाण मेटायो र कसलाई जोगाउन राज्यकै शक्ति दुरुपयोग गरियो—त्यो इतिहास भयो। तर इतिहासले गरेको गल्तीलाई वर्तमानले सधैँ बोकेर हिँड्न सक्दैन। निर्मला पन्तको आत्माले विगत ८ वर्षदेखि न्यायको भिख मागिरहेको छैन, बरु यो भ्रष्ट र लाचार व्यवस्थालाई गिज्याइरहेको छ! यो केवल एउटा हत्याको अनुसन्धान मात्र होइन। यो त एउटी आमाको वर्षौँदेखि बगिरहेको आँसु पुछ्ने र यो देशका अपराधीहरूलाई उनीहरूको सही औकात देखाउने महासङ्ग्राम हो! यो देशका हरेक नागरिकको भत्किएको भरोसालाई फेरि जीवित गराउने हाम्रो इमानदार र कठोर प्रयास हो। एसएसपी (SSP) को नेतृत्वमा विशेष टोलीलाई 'फुल अथोरिटी' र पूर्ण स्वतन्त्रताका साथ मैदानमा उतारिसकिएको छ। महेन्द्रनगरबाट सुरु भएको यो अपरेसन तबसम्म रोकिने छैन, जबसम्म वास्तविक अपराधीको घाँटीमा कानुनको हतकडी लाग्दैन। हिजोसम्म सिंहदरबार र शक्ति केन्द्रको ओत लागेर 'हामी सुरक्षित छौँ' भन्ने भ्रम पालेका अपराधीहरूलाई स्पष्ट चेतावनी छ—तिमीहरूको दिनगन्ती सुरु भइसकेको छ। कुनै शक्तिको दबाब चल्ने छैन, कुनै राजनीतिक सम्झौता हुने छैन। अब गफ होइन, एक्सन हुनेछ। न्याय मर्न दिइने छैन! जय नेपाल। 🇳🇵 #foryoupage #foryou #balen #keepsupporting - @yugantar2