زهراء: عمو هذا اسمه صاج اي هوه على صلصه بل جبن فهيج يمطكك بل حلك هوه عجبك لو لا. ابو رائد: بويهه شحلاتهه جنه العافيه مثل وجه رحوبه هوه كال هيج ورائد مات ضحك يكول بعدهم شباب ويتغرلون بس من صدك ضحكت عليهم شحلاتهم وشحلات كلامهم صح همهة كبار بس ابد ما مبين عليهم هيج كبار جنهم عصافير الحب. كملنه وشلت الماعين غسلتهم وكملت سويت الهم جاي لان همه ابد وره كل وجبه جاي. صبيت الهم جانو كاعدين ع الاخبار ويجحون على السياسة عمي ورائد اجيت انطيتهم جاي وانيي هم على الواهس وياهم وحجو بخصوص داعش غزو قوات الجيش وماتو هواي شهداء ( الله يرحم جميع شهداء)اشوي اجاى اتصال كمز من مكانه خذه عمي ومشو طلعو يركضون اريد افتهم سالفه شنو خذى سويج سيارته وطلع يركض هوه وعمي اني وعمتي هم كمزت وره اريد افهم شكو شبي هيج شبي كلبي بقى يماا اتصل بي وناكو اشوي واتصلت عمتي بحسن. وحجالنه سالفه كلهه عمي ابو رائد عنده محل سيارات يعني معرض سيارات رحاب: يمه شكو شبي رائد وعمك طلعو يركضون ما فهمت سالفه. حسن: واحد الله لا ينطي حارك المعرض والناس جاي اطفي بي والحارس خابر لرائد وخابرني انا هسه بطريق من انخلص انخابركم ادعيلنه عمه ولحد الان ما طفى الحريق اذا وصل لسيارات يصير انفجار. رحاب: يما سوده بجهج رحاب سوده بجهج. من الله لاينطيك ياولد الحرام يما دخيلج يام البنين استري علينه وستري فريخاتنه يماا وليداتي دخيلج يا رقيه بنت الحسين دخيله جايتج. لا ترديني. اني كاعده وكلبي يمهم كلبي مامرتاح وينج يماا الحكيني اريد اتصل بهلي بلكي يفزعون وياهم بس اخاف رائد مايقبل شلونن بيهه بقيت افتر بلبيت اشوي ودك الجهاز على عمتي كبل ردت وكامت تدك وتلطم وتكول راح الولد وراح اصير ارمله وهيه بعز شبابهه اني سمعت هيج متت بمكاني شنو منو مات اكله هية وهيه ابد ما جاوبني بس تلطم وتمول راح الولد اريد افهم ماكو ابد متت بمكاني الدم ما جاي احسه يوصل لكلبي.. عمهه عليج الله منو مات احجيل يعمه ابوس ايدج رحاب: يماا راح راح راح سوده بجهي راح زهراء: عمهه منو راح عفيهه مو كلبي خلص منو رائد بي شي عمه عليج اللة احجيلي يمااا فدوه ابوس رجليج اكلهه واني ابجي وهيه ابد مااجاي ترد عليه تدك وتلطم وتكول بعدهي ما انسعدت بحياتهه غير افهم منو هيه. 1 زهراء: عمههه عمههه ابوس ايدج منو منوو مات رحاب: ولج يمهه حسن حسن راح حسن راح انفجرت علي السياره يماا بنتي حظهه الاغبر يمهه سوده بجهج يرحاب سوده عليج يماا بنتي شحاله هسه 7 ولج زهراء جيبي عباتي خل اروح لبنتي شافت من عرسه بعدهي عروس يومين مصار الهه امده حظج الاغبر يرحاب بتج صارت ارمله.... اني هنا انصدمت حسن حسن زوج نور مات صدك لو جذب ماعرف انفجرت علي سياره لا مستحيليعوف نور نور تتخبل ماتتحمل تحبهه تموت ورى لا لالا جذب جذب اني ابجي على حظ نور السود بعد هي عروس تونه عفناهاا يبوو سوده بجهج ينوره. كبل عمتي لبسيت عبايتههه وطلعت واني هم طلعت وراهاا اجرنه سياره ورحنه اني وياهه لبيت اهل حسن لكينهه مخبوص امه خطيه تبجي ماتعرف ابنها ميت لو عدل وخواتته لا زمات نور متخبلهه وخواتته يبجن على حال نور المشهد يكطع الكلب كبل ركت لنور اهدي بيها زهراء: نور نور كوليي يالله ياالله نور: جيبوو جيبووو الي جيبوو بعدني عروس والله ماشفت شي منه والله قابله بكلشي وياه بس لا يعوفني عفيه جيبووو الي ولككك حسننن لا تعوفني اني ولككك نورررر وينك وينك جيبوووو الي. تبجي وتملخ بروحها ان لزمت اديها خطيهه تبجي بهستريه ماتفهم اتسكت منو الام لو مرتهه اني بقيت حايره وبالي كله يم رائد وحسن شنو وضعه ميت عدل مانعرف. وكعت نور اغمى عليه خطيه اجت ام حسن تركض عليهه ام حسن: يمااا يممااا نوره نوره كعدي كعدي يماا نويره يما حبيبت حسن كعدي يماا يمااا حسنن يريدج يماا. تستمر القصة أدناه خطيهه تبجي بدون وعي على ابنهاا الضنى عزيز مو هينن من يروح صح هيه عدها حسين وحسن بس هيه كلش متعلقه بحسن لان حسين سافر قبل الخطوبه وماجه للعرس بسبب ضروف الخطره لان هوه يدرس برى ماجستير طب وعايفين ميس وي عيالهه مراجعه للبيت ميس اخت رائد مزوجه حسين ونور اخذت حسن) فما اجه خطيه هيه كلبه على حسن. بقينه يمهن لحد ما اندكت الباب اساعه ب 11 بليل فتحو الباب اجهه ابو حسين خذه ام حسين كبل نور كمزت لعمهه وتكله نور: عمو كلي شنو شبي حسن ابو رجليك فدوه كلي مو كلبي انشلعع ابو حسين: محتاج بس الدعاء منكم مانعرف لحد لان لن هوه بغرفه العمليات. يتبــــــبعع..... #تفاعلكم_لايك_متابعه_اكسبلوررررراexplore #تفاعلكم #كاتبة_زهراء - @zah_sa43