@midnightthoughts306: რატომ არ მანებებს შენზე ფიქრი? რატომ მჭამს ყოველი დღე ისე, თითქოს ჩემში დარჩენილი სიცოცხლის ბოლო ნატეხებსაც ვიღაც ნელ-ნელა მაცლის? რატომ ვკარგავ წონას, რატომ აღარ მაქვს მადა, რატომ ვიღვიძებ დაღლილი, თითქოს მთელი ღამე საკუთარ გულთან ვიბრძოლე? რატომ ვერ ვპოულობ პასუხს? ნუთუ ეს სიყვარულია? თუ სიყვარულია, მაშინ რატომ ჰგავს სიკვდილს? რატომ მტკივა ყოველი ამოსუნთქვა? რატომ ხარ ჩემს გულში ისეთი მძიმე, რომ ხანდახან სუნთქვაც აღარ შემიძლია? რატომ არ მშორდება შენი ხმა, შენი ღიმილი, შენი თვალები.. ღმერთო… გამეცი ხმა. რა ქვია ამას? სიყვარული? მონატრება? თუ ადამიანის ნელი კვდომა? აღარ ვიცი, როგორ უნდა ვიცხოვრო. დილა აღარ მიხარია, მინდა სიკვდილი.. მაგრამ იმიყომ არ ვკვდები რომ იქ უარესად მომენატრები.. ღამე აღარ მთავრდება. საათები აღარ გადის ისინი უბრალოდ ჩემს ტკივილს ითვლიან. ყოველი წუთი ისე მეფლობა გულზე, თითქოს ვიღაც უხილავი ხელი ნელ-ნელა მიჭერს და მეუბნება: „ჯერ კიდევ არ დასრულებულა… კიდევ უნდა იტანჯო.“ ყველა მეუბნება, დრო ყველაფერს კურნავსო. მაგრამ ჩემი დრო რატომ მკლავს? რატომ ხდება ყოველი ახალი დღე უფრო მძიმე, ვიდრე წინა? რატომ არ მცირდება მონატრება? რატომ იზრდება, თითქოს საკუთარი სიცოცხლით იკვებება? სარკეში საკუთარ თავს ვეღარ ვცნობ. თვალებში სინათლე აღარ დამრჩა. სახეზე დაღლა მაწერია. ვიღიმი, მაგრამ ეს ღიმილი ჩემამდე აღარ აღწევს. თითქოს ჩემი სული სადღაც შენთან დარჩა, მე კი მხოლოდ ცარიელი სხეულით დავდივარ. ხანდახან მგონია, შენზე კი აღარ ვფიქრობ… შენით ვსუნთქავ. და როცა შენ არ ხარ, ჰაერიც აღარ მყოფნის. ყველაზე მეტად კი ის მაშინებს, რომ შეიძლება მთელი ცხოვრება ასე გავატარო შენს გარეშე, მაგრამ მაინც შენთან. შეიძლება წლები გავიდეს, თმა გამითეთრდეს, ცხოვრება შეიცვალოს, მაგრამ ჩემში ისევ ის ადამიანი დარჩეს, რომელიც იმ დღეს გაჩერდა, როცა შენს სიყვარულს ვეღარ მისწვდა. ღმერთო… თუ ეს სიყვარულია, რატომ არის ასეთი სასტიკი? რატომ არ აყენებს ადამიანს ფეხზე? რატომ ამტვრევს გულს, ანადგურებს სხეულს, აცლის ძილს, მადას, ღიმილს, იმედს… და თუ ეს სიყვარული არ არის… მაშინ მითხარი, რა ჰქვია იმ მდგომარეობას, როცა ადამიანი ცოცხალია, მაგრამ ყოველ დილით ისეთი განცდით იღვიძებს, თითქოს გუშინ ისევ მოკვდა. #sadstory #typ #Love #glo #viral

3665

164

2026-07-02 21:26:46

To see more videos from user @midnightthoughts306, please go to the Tikwm homepage.