အစုံရ ဆုပေး ဣဒ္ဓိမာ ဗုဒ္ဓပူဇာယ၊ ဓမ္မပူဇာယ ပညဝါ။ ဘောဂဝါ သံဃပူဇာယ၊ တိဏ္ဏံ ဉာဏိဒ္ဓိဘောဂဝါ။ ဗုဒ္ဓပူဇာယ၊ဘုရားရှင်အား ဦးတင်မြတ်နိုး ရှိခိုးပူဇော်ရခြင်းကြောင့် ။ ဣဒ္ဓိမာ၊တန်ခိုးတေဇော အာနုဘော်ကြီးခြင်းနှင့်လည်း ပြည့်စုံနိုင်ပါပေ၏။ ဓမ္မပူဇာယ၊မဂ်လေးတန် ဖိုလ်လေးတန် နိဗ္ဗာန် ပရိယတ် အမြတ်ဆယ်ဖော် တရားတော်မြတ်ကို ရှိခိုးပူဇော်ရခြင်းကြောင့် ။ပညဝါ၊ပညာကြီးခြင်းနှင့်လည်း ပြည့်စုံနိုင်ပါပေ၏။ သံဃပူဇာယ၊အရိယာ သံဃာတော်မြတ်အပေါင်းနှင့်တကွ ယခုလက်ရှိ သမုတိသံဃာ ထေရ်အရှင်မြတ်များကို ရှိခိုးပူဇော်ရခြင်းကြောင့်။ဘောဂဝါ၊စည်းစိမ်ဥစ္စာ ရတနာတို့နှင့်လည်း ပြည့်စုံနိုင်ပါပေ၏ ။ ဣတိ၊ဤသို့။တိဏ္ဏံ၊သုံးပါးကုန်သော။ဉာဏိဒ္ဓိဘောဂဝါ၊တန်ခိုးကြီးခြင်း ပညာကြီးခြင်း စည်းစိမ်ဥစ္စာ ပေါများခြင်းဟု ဆိုအပ်သော....... ဘုရား တရား သံဃာ ရတနာမြတ်သုံးပါးတို့အား ရှိခိုးကြောင်းဖြစ်သော ရတနတ္တယ ပဏာမ ပူဇဝန္တ ကာမာဝစရ ကုသိုလ်ကံစေတနာ ။ သရဏဂုံသုံးပါးနှင့် ငါးပါးသော(ရှစ်ပါးသော)သီလတော်မြတ်တို့ကို ကျင့်သုံးခံယူ ဆောက်တည်ကြရသော သီလကုသိုလ်ကံစေတနာ။ ယခုလို နေ့ထူးနေ့မြတ် အချိန်ခါ ကာလသမယမှာ ရွာဦးကျောင်းတော်ကြီးသို့ လာရောက်ကြပြီး သမစိတ္တ သမသီလ သမစာဂ သမသဒ်ဓါ တူညီစွာဖြင့် အများပေါင်းစု ကောင်းမှု့တို့ဖြင့် မိမိတို့ တတ်နိုင်သောသဒ်ဓါစှမျးအားဖွင့ျ ဒါတဗ္ဗဝတ္ထု အစုစုတို့ကို လှူဒါန်းကြရခြင်းတည်းဟူသော ဒါနကုသိုလ်ကံစေတနာ။ မိမိတို့၏ ခန္ဓာငါးပါး ရုပ်နာမ်တရားတို့၏ အပေါ၌ မမြဲခြင်းအနိစ္စ ဆင်းရဲခြင်းဒုက္ခ အစိုးမရခြင်းအနတ္တ တည်းဟူသော လက္ခဏာယာဉ် သုံးပါးတို့ကို ဆင်ခြင်ပွါးများ အားထုတ်ရခြင်းတည်းဟူသော ဘာဝနာမယ ကုသိုလ်ကံစေတနာ ။ ဤသို့ အစဖြာသော ကောင်းမှု့ကံ စေတနာတို့ကြောင့် ...... သုံးဖြာသောကပ် ၊ လေးရပ်အပါယ် ၊ ငါးသွယ်သောရန် ၊ ရှစ်တန်သောပြစ် ၊ ဆိုးညစ်ယုတ်မာ ၊ ဆယ်ဖြာသောဒဏ်အပေါင်း ၊ မကောင်းသော အနိဌဖလ ဒုက္ခဝေဒနာ အပေါင်းတို့မှ ဘဝတိုင်း ဘဝတိုင်း ကင်းလွတ်ငြိမ်းပျောက်ပြီးလျှင် ......... သင်ဒါယကာ ဒါယိကာမအပေါင်း သူတော်ကောင်းတို့ အလိုရှိအပ် တောင်းတအပ်သော ...... သဒ်ဓါ , သီလ , သုတ , စာဂ , ပညာ , ဟိရီ , ဩတ္တပ္ပ တည်းဟူသော သူ တော်တောင်းဥစ္စာ ရတနာခုနစ်ပါးတို့နှင့် ဘဝတိုင်း ဘဝတိုင်း ပြည့်စုံကြကုန်ပြီးလျှင် အဆုံးဘဝ နောက်ကာလ၌ မဂ်ဉာဏ်ဖိုလ်ဉာဏ် နိဗ္ဗာန်ရောက်ကြောင်း သူတော်ကောင်းတရားတို့ကို ကျင့်ကြံကြိုးကုတ် အားထုတ်နိုင်လွယ်ကြတဲ့ သူတော်ကောင်း သူမြတ်လောင်းတွေ ဖြစ်နိုင်ကြပါစေ။ - @user614785664