@aghazzada_: Hacı Zeynalabdin Tağıyev ⬇️ O, 1901-ci ildə Bakıda ilk qızlar məktəbini açmaq istəyəndə yerli dindarlar və mollalar ayağa qalxdılar. Küçələrdə şayiə yayırdılar ki, "Tağıyev islamı dağıdır, qızların başını açır, qız oxudan kafirdir, o məktəbə gedən qızlar fahişə olacaq". Hətta Hacının özünü ölümlə hədələyirdilər. Tağıyev mollaların "Quran imkan vermir" bəhanəsini sındırmaq üçün pulla bir neçə adam tutub İslamın mərkəzlərinə — Məkkə, Mədinə, Kərbəla və Nəcəfə göndərdi. Oradakı ən böyük İslam alimlərindən rəsmi, möhürlü sənəd (fətva) aldı ki, Quranda qadınların təhsil almasını qadağan edən heç bir ayə yoxdur. Hacı həmin sənədi gətirib Bakı mollalarının burnuna dirədi və onları öz silahları ilə susdurdu. Məktəb açılandan sonra da radikal dindarlar qızlara hücum etməsinlər deyə Hacı məktəbin ətrafına silahlı qorunma qoymuşdu və pullu qoçulara tapşırmışdı ki, bura yaxınlaşan molla tərəfdarlarını yerindəcə cəzalandırsınlar. O bilirdi ki, bir kişini savadlandırsan bir fərdi, bir qadını savadlandırsan bütöv bir cəmiyyəti savadlandırmış olursan. Bu gün Azərbaycan qadını azaddırsa və oxuyursa, bunu feodal qəliblərə yox, Hacı kimi mütərəqqi dühaların cəhalətə qarşı açdığı müharibəyə borcludur. #kəşfetazərbaycan #keşfet #hacızeynalabdintağıyev #qadın #kadın

Ayaz Ath

Open In TikTok:

Region: AZ

Thursday 02 July 2026 10:28:21 GMT