Iga warama kuwii nolosha kalinimada doortayow... Ma nabad baa mise waxaad qarsanaysaan xanuun aan indhuhu arki karin? Dad badan waxay u haystaan in kalinimadu tahay doorasho sahlan, balse mararka qaar waaa hooyga uu qofku u galo si uu uga nasto dhaawacyadii uu dadka ka qaaday. Qofkii qalbigiisu marar badan jabay, wuxuu barta inuu aamuso halkii uu caban lahaa. Kalinimadu ma aha inaad dadka nacday, ee waa inaad ka daashay ballamo aan rumoobin, kalsooni la jebiyay, iyo jacayl aan lagu qadarin. Waxaad doorataa aamusnaanta, sababtoo ah waxay ka xanuun yar tahay hadallo been noqda. Habeennada qaar ilmadu way qubataa, balse cidna ma oga, maxaa yeelay qof walba wuxuu arkaa dhoolla-caddeynta dibadda, mana arko qalbiga gudaha ka ooyaya. Waxaa jira dad qalbigooda lagu dhaawacay si ay u rumaystaan in kalinimadu ka ammaan badan tahay xiriir kasta. Ma aha inay farxad diideen, balse waxay ka baqayaan in mar kale lagu celiyo xanuunkii hore. Sidaas darteed waxay noqdaan dad aamusan, fikir badan, oo qalbigooda albaabkiisa si adag u xira. Laakiin xusuusnow, kalinimadu weligeed xal ma aha. Qof kasta wuxuu mudan yahay jacayl daacad ah, ixtiraam dhab ah, iyo qof garab istaaga marka ay noloshu adkaato. Dhaawacyadu way bogsan karaan haddii rajadu aysan dhiman. Haddii aad ka mid tahay kuwii nolosha kalinimada doortay, ha iloobin in maalin uun ay qorraxdu mar kale kuu soo bixi doonto. Xanuunku ma sii jiro weligiis, ilmaduna ma aha dhammaadka sheekada. Mararka qaar waxa ugu quruxda badan waxay yimaadaan marka aad u malaynayso in wax walba ay dhammaadeen. Ilaali qalbigaaga, laakiin ha dilin rajadaada, maxaa yeelay farxaddu waxay u timaaddaa qofka samirka barta.#foryoupage #alone - @.maanka.17