@mrrsey247: #ការធ្វើកិច្ចវន្ទា សុំខមោទស ចំពោះព្រះថេរៈ គឺជាប្រពៃណីតាំងបុរាណកាល ។ នាឱកាសល្ងាចនេះ វត្ដមានរបស់ព្រះមន្ដ្រីសង្ឃជាសហការីសាលាអនុគណក្រុងសៀមរាប ១.ព្រះធម្មវិសុទ្ធិកោសល កែវ អាន ព្រះវិន័យធរអនុគណក្រុងសៀមរាប និងជាព្រះចៅអធិការវត្តអង្គរខាងត្បូង ២. ព្រះសទ្ធម្មប្បកាសនី តាត មហាទី ព្រះធម្មធរអនុគណក្រុងសៀមរាប និងជាព្រះចៅអធិការស្ដីទីវត្តគោកធ្លក បាននិមន្តចូលក្រាបថ្វាយបង្គំចំពោះសម្ដេចព្រះព្រហ្មរតនមុនី ពិន សែម ដើម្បីសម្ដែងនូវការគោរព ធ្វើកិច្ចវន្ទាសុំខមាទោស និងសុំឱវាទសម្រាប់ជាការដាស់តឿនក្រើនរំលឹកដល់វត្តបដិបត្តិតទៅមុខទៀត ។ កាយវិការដ៏ខ្ពង់ខ្ពស់ តាមដំណើរគន្លងព្រះធម៌វិន័យនេះ គឺជា "ខមាបនកិច្ច" ដែលបង្ហាញពីការគោរពដ៏ជ្រាលជ្រៅចំពោះព្រះថេរៈចាស់វស្សា។ ការសុំខមាទោសនេះ មិនត្រឹមតែជួយជម្រះនូវរាល់ការយល់ច្រឡំ ឬកំហុសឆ្គងនានាប៉ុណ្ណោះទេ ប៉ុន្តែថែមទាំងជាគំរូដ៏ល្អក្នុងការរក្សាសាមគ្គីភាព និងភាពសុខដុមរមនាយ៉ាងរឹងមាំនៅក្នុងសង្ឃមណ្ឌល។