@iman_yoly: Kurany Kerimde ylymyň artykmaçlygy barada köp aýatlar bardyr: "Alla Özünden başga (ybadata laýyk) hudaýyň ýokdugyna adalaty dik tutup şaýatlyk berdi. Perişdeler we ylym eýeleri hem (bu hakykaty ykrar etdiler). Gudraty güýçli we hikmet eýesi bolan Ondan (Alladan) başga hudaý ýokdur." (Aly-Ymran 3/18) Allatagala Öz birligine şaýatlyk etmekde ilki bilen Özüni, soňra perişdeleri, üçünji bolup bolsa ylym eýelerini agzamagy örän manylydyr. Diňe şu aýatyň özi hem ylymyň beýik artykmaçlygyny görkezmäge ýeterlikdir. Başga bir aýatda Allatagala şeýle buýurýar: "Alla hem sizden iman getirenleriň we ylym nesip edilenleriň derejelerini beýgelder. Alla siziň edýän (ähli) işleriňizden habardardyr." (Mujadele 58/11) "Aýt: "Eýsem bilýänler bilen bilmeýänler deň bolup bilermi?" (Zümer 39/9) "Onuň bendeleriniň arasynda diňe (hakyky) alymlar Alladan çyn ýürekden gorkýandyrlar." (Fatyr 35/28) "Emma eger olar bu (habary üçin) pygambere ýa-da aralaryndaky jogapkär kişilere ýüz tutsadylar, öz aralaryndan ol (habaryň aslyny) çykaryp biljek kişiler (ony anyk) bilerdiler." (Nisa 4/83) Beýik Allatagala bu aýatda, Kuranda we Sünnetde açyk hökmi bolmadyk käbir meseleler barada çykaryljak hökümleri alymlaryň netije çykarmagyna goýýar. Allahyň alymlary Pygamberden soňra agzamagy, Allahyň hökümini beýan etmekde olaryň derejesiniň pygamberlerden soň iň ýokary mertebededigini görkezýär. #ylym #kuran #hadys #türkmen

Ylym.Tm

Open In TikTok:

Region: BY

Thursday 02 July 2026 17:55:50 GMT