@hamsadonews: 🔵 Дар садамаи маргбори Ваҳдат 11 нафар ҷон бохтанд Субҳи 2 июл, тахминан соати 6:30, дар километри 32-юми шоҳроҳи Душанбе–Кӯлоб–Хоруғ, дар ҳудуди деҳаи Элоки шаҳри Ваҳдат садамаи маргбори нақлиётӣ рух дод. Ба иттилои Вазорати корҳои дохилии Тоҷикистон, мошини боркаши тамғаи «Дулан» бинобар аз кор баромадани системаи манъкунандаи воситаи нақлиёт аввал бо автомашинаи «Опел Зафира» ва сипас бо «Тойота Прадо» бархӯрд кардааст. Дар натиҷаи садама ронандаи мошини боркаш, ронандаи «Тойота Прадо» ва 9 мусофири автомашинаҳои «Опел Зафира» ва «Тойота Прадо» ба ҳалокат расидаанд. Дар ҳамин ҳол, Вазорати тандурустӣ ва ҳифзи иҷтимоии аҳолӣ хабар додааст, ки бо супориши вазир муовини якуми вазир ва як гурӯҳи мутахассисони соҳаи тиб ба шаҳри Ваҳдат сафар карда, аз вазъи саломатии ҷароҳатбардоштагон боздид намудаанд. Ба гуфтаи манбаъ, табобати осебдидагон таҳти назорати бевоситаи роҳбарияти вазорат қарор дошта, ба табибони беморхонаи марказии шаҳри Ваҳдат тавсияҳои зарурӣ дода шудааст. Шумораи дақиқи ҷароҳатбардоштагон то ҳол расман эълон нашудааст. #Ваҳдат #Садама #ВКД #ВазоратиТандурустӣ #Тоҷикистон #Хабар

HamsadoNews

Open In TikTok:

Region: TJ

Thursday 02 July 2026 18:00:47 GMT