میں رُکی ہوئی ہوں اِدھر، تم ہر کسی کو آزما کر آؤ، ہر نئے چہرے سے دل لگا کر دیکھو، ہر جھوٹی وفا کو اپنا بنا کر آؤ۔ جس محبت کی تلاش میں تم نے میرا ہاتھ چھوڑا تھا، اُسی محبت کے بازار میں اپنی قیمت بھی لگا کر آؤ۔ میں نے تمہیں چاہا تھا جیتنے کے لیے نہیں، نبھانے کے لیے... اور تم نے مجھے چھوڑ دیا صرف یہ جاننے کے لیے کہ کہیں مجھ سے بہتر بھی کوئی ہے یا نہیں۔ جاؤ... ہر اُس شخص کے در پر دستک دو جو تمہیں خواب بیچتا ہے، ہر اُس مسکراہٹ پر یقین کر لو جو اندر سے خالی ہوتی ہے۔ پھر ایک دن جب ہر تعلق مطلب کا نکلے، جب ہر وعدہ وقت کے ساتھ مر جائے، جب ہر ساتھ راستے میں چھوڑ جائے، تب میرے لفظ یاد آئیں گے۔ تب سمجھ آ جائے گا کہ سچی محبت شور نہیں کرتی، خاموشی سے عمر گزار دیتی ہے۔ میں نے تمہارا انتظار کیا، مگر اپنی عزت کا سودا نہیں کیا، تمہاری یادوں کو سینے سے لگایا، مگر خود کو تمہارے قدموں میں نہیں رکھا۔ اگر لوٹ کر آؤ گے تو شاید دروازہ کھلا ملے، مگر وہ لڑکی نہیں ملے گی جو تمہارے ایک پیغام پر دن بھر مسکراتی تھی۔ وہ لڑکی اب سیکھ چکی ہے کہ محبت مانگی نہیں جاتی، اور جہاں خود کو ثابت کرنا پڑے، وہاں سے خاموشی سے چلے جانا چاہیے۔ تم ہر کسی کو آزما لو، ہر رشتے کا ذائقہ چکھ لو، ہر دل توڑ کر دیکھ لو، مگر یاد رکھنا... جس شخص کو تم نے "بعد میں دیکھ لیں گے" کہہ کر چھوڑا تھا، اکثر قسمت اُسی شخص کو "دوبارہ کبھی نہیں" بنا دیتی ہے۔ میں رُکی ہوئی ہوں اِدھر... مگر ہمیشہ کے لیے نہیں، کیونکہ انتظار بھی ایک حد تک عبادت ہوتا ہے، اُس کے بعد وہ انسان کو خود سے ملا دیتا ہے۔ اس لیے جلدی نہیں، آرام سے جاؤ... ہر کسی کو آزما کر آؤ، بس اتنا یاد رکھنا... واپس آنے والے اکثر معاف تو ہو جاتے ہیں، مگر پہلے جیسے کبھی قبول نہیں کیے جاتے🫠💯❤️‍🩹 علیزے ❤️ #alizeywrites - @beparwa_heer06