@karakiya_ms: Түпқараған ауданында жаңа Конституцияның басты ерекшеліктері түсіндірілді 2026 жылғы 1 шілдеде заңды күшіне енген Қазақстан Республикасының жаңа Конституциясына енгізілген өзгерістер мен толықтыруларды түсіндіру мақсатында Түпқараған аудандық балалар-жасөспірімдер спорт мектебінде мекеме қызметкерлерімен ақпараттық-түсіндіру жиыны өтті, деп хабарлайды Қоғамдық коммуникация орталығы. Аудан әкімдігінің баспасөз қызметінің мәліметінше, іс-шара барысында мекеме басшысы Конституцияның жаңартылған нормаларына жан-жақты тоқталып, мемлекеттік басқару жүйесін жетілдіруге бағытталған өзгерістер, азаматтардың құқықтары мен бостандықтарын қорғауды күшейту, олардың міндеттері мен жауапкершілігі, сондай-ақ конституциялық реформалардың елдің демократиялық дамуы мен құқықтық мемлекет қағидаттарын нығайтудағы маңызы туралы кеңінен түсіндірді. Кездесу барысында қатысушылар жаңа Конституцияның қоғам өміріндегі рөлі, заң үстемдігін қамтамасыз ету және азаматтық жауапкершілікті арттыру бағытындағы жаңашылдықтар жөнінде пікір алмасты. Мұндай ақпараттық-түсіндіру шаралары тұрғындардың құқықтық сауаттылығын арттыруға, Конституцияның негізгі қағидаттарын кеңінен насихаттауға және азаматтардың құқықтық мәдениетін қалыптастыруға ықпал етеді.

There are no more comments for this video.

To see more videos from user @karakiya_ms, please go to the Tikwm homepage.