@aassassinscommissionersw: ایڈیشنل اسسٹنٹ کمشنر محترمہ نصرت بی بی نے اسسٹنٹ ڈائریکٹر انڈسٹریز کے ہمراہ زیدہ بازار میں ایل پی جی گیس ایجنسیوں اور دکانوں کا تفصیلی معائنہ کیا۔ معائنے کے دوران سرکاری نرخ ناموں، قیمتوں اور وزن کی جانچ پڑتال کی گئی۔ کارروائی کے دوران سرکاری نرخوں سے زائد قیمت وصول کرنے والے متعدد دکانداروں کے خلاف سخت قانونی کارروائی عمل میں لائی گئی۔ اوور چارجنگ اور دیگر خلاف ورزیوں پر کئی دکانوں کو سیل کیا گیا جبکہ متعدد دکانداروں پر جرمانے بھی عائد کیے گئے۔ ایڈیشنل اسسٹنٹ کمشنر محترمہ نصرت بی بی نے کہا کہ ایل پی جی گیس جیسی بنیادی ضرورت میں ناجائز منافع خوری کسی صورت برداشت نہیں کی جائے گی اور عوام کو مقررہ نرخوں پر گیس کی فراہمی ہر قیمت پر یقینی بنائی جائے گی۔ اس موقع پر بازار میں موجود دیگر اشیائے ضروریہ فروخت کرنے والے سٹورز کا بھی معائنہ کیا گیا اور دکانداروں کو سرکاری نرخوں پر اشیاء فروخت کرنے کی ہدایت کی گئی۔@Assistant commissioner Razzar @Sabeeha Hastam