@.mennaayman: مهما حصل قدام أستراليا، محدش هيقدر يمحي اللي محمد صلاح عمله في البطولة دي مع حسام حسن والجهاز الفني وكل اللعيبة. اللي الفريق قدمه هيفضل محفور في تاريخ الكورة المصرية، وهيفضل جيل بعد جيل يفتكره بكل فخر. الموضوع عمره ما كان مجرد مكسب أو خسارة، ولا مجرد إنك تعدي دور أو تخرج من بطولة الموضوع كان إن منتخب مصر رجع يخلي الناس تحلم تاني رجع يخلي كل مصري يحس بالفخر وهو بيتفرج على منتخب بلده كل ماتش كان فيه روح، وإصرار، وقتال، ورغبة حقيقية إنهم يفرحوا ملايين المصريين. محمد صلاح أثبت من جديد إنه مش بس أعظم لاعب في تاريخ مصر، لكنه كمان قائد حقيقي بكل معنى الكلمة. لعب بقلبه قبل رجليه، وشال مسؤولية منتخب كامل على كتفه من غير ما يشتكي، وكان قدوة لكل اللي حواليه. شخصيته، وروحه، وتعبه، وإخلاصه للقميص، وحبه لبلده... حاجات هتفضل تتحكي سنين طويلة. وحسام حسن يستحق كل التقدير على إنه رجع شخصية منتخب مصر رجع الروح اللي كنا مفتقدينها، وخلى كل لاعب ينزل الملعب وهو مستعد يموت عشان الشعار اللي على صدره. والجهاز الفني واللعيبة كلهم كانوا على قلب راجل واحد، وكل واحد فيهم ساب آخر نقطة عرق في الملعب. الكورة ساعات بتكون قاسية، لكن التاريخ عمره ما بيتكتب بماتش واحد، ولا بنتيجة واحدة. التاريخ بيتكتب بالروح بالعزيمة، وبالذكريات اللي بتفضل عايشة في قلوب الناس مهما عدى عليها الزمن. شكرا محمد صلاح... على كل لحظة، وكل مجهود، وكل مرة رفعت فيها اسم مصر. وشكرا حسام حسن، وشكرا لكل فرد في الجهاز الفني، وشكرا لكل لاعب لبس تيشيرت منتخب مصر وقاتل عليه بكل شرف. أنتم رجعتوا الأمل، ورجعتوا الهيبة، وخليتوا ملايين المصريين يفتخروا بمنتخبهم من جديد. ومهما كانت النهاية ... فأنتم كسبتوا احترامنا وحبنا، ومكانكم هيبقى محفوظ في تاريخ الكرة المصرية وفي قلوب كل المصريين.🇪🇬♥️ #محمد_صلاح #كاس_العالم #منتخب_مصر #egypt #مصر

menna ayman 🇪🇬

Open In TikTok:

Region: EG

Friday 03 July 2026 08:32:18 GMT