@.nafratii: "ئاخر من چۆن نەبمە قوربانی چاوەکانی؟ چۆن دڵم نەکەمە نیشتمانی و بۆی نەمرم؟ لە کاتێکدا ئەو پیاوە شتێکی کرد کە کەم کەس لەم زەمەنەدا بوێری کردنی هەیە. ئەو نەهات تەنها بە قسەی سەرزارەکی خۆشەویستیم پێ ببەخشێت، بەڵکو هێز و پیاوەتی خۆی لە کرداردا نیشان دام. کاتێک جیهان تەسکی دەکردینەوە، ئەو وەک چیا لە پشتم وەستا؛ ڕووبەڕووی خێزانەکەم بووەوە، بە تەنها و بەبێ ترس جەنگا، تەنها لە پێناو یەک ئامانجدا: ئەویش بەدەستهێنانی من بوو. ئەو سەلماندی کە عەشقەکەی تەنها حەزێکی کاتی نییە، بەڵکو جەنگێکی پیرۆزە و دەبێت تێیدا سەرکەوتوو بێت. مەزنەیی ئەو تەنها لە جەنگانەکەیدا نەبوو، بەڵکو لەو ڕێز و بەهایەشدا بوو کە پێی بەخشیم. منی برد دونیای خۆی، منی بە شانازی و سەربەرزییەوە بە خێزانەکەی خۆی ناساند، بە دەنگی بەرز و لەبەرچاوی هەمواندا وتی: 'ئەمە ئەو کچەیە کە دڵم هەڵیبژاردووە و دەمەوێت ژیانمی لەگەڵ تەواو بکەم'. ئەمە کەی ڕەفتاری مرۆڤێکی ئاساییە؟ ئەمە پیاوەتییەکی کەموێنەیە! پیاوێک کە هێندە بەئەمەک بێت، بۆم بجەنگێت، شەرەف و ناسنامەی خۆم و عەشقەکەم بپارێزێت و ئێستاش بەو پەڕی ئارامی و دڵسۆزییەوە چاوەڕێی گەیشتنمان بێت... پیاوێکی ئاوا، نە خۆشم بوێت چی بکەم؟ کچێک چۆن ناخی نەبێتە فیدای پیاوێکی ئاوا جەنگاوەر و دڵسۆز#30ta ##nafratii #foryou #fypシ