نـرمين : أصبري وَتـيـن إلچ بلصبرَ . لابُد بعد ألـمُصايب فـرج _أبقي طول رحلتچ صابرة أليصبر ينالَ - كعدت تدعيلي وتقرة أيات قُرآنيـة ومـن خلال كلامها وياي فهمت بأنها داتلمحلي أكو سِحر أكو فُراق أكو حِزن مافهمت تلميحاتها لأن مداتحچي بصريح ألعبارة فقط تلمح ، وتـدعي وتقرة عليّة آيـات قُرآنيـة وتردد بـكلمة " ألبَنون ! " - مافهمت شقصدها بلبنون بَـس كلما تكول " بَنون " تصير ألرؤية عندي وردية حطت إيدها على وجهي حسيت بنغوشة صاحوا بيّة وعلى أثر صياحهُم فزيت لكيت بنية مـن ألعتبة وبيدها عودة ألريشة تمشيها على وجهي وتگلي * _هذا مو مكان نوم يحلوة - كُمت نازّة مستوعبة أنا وين نـايمة مسحت وجهي وعدلت كعدت . صافنة مستوعبة أن رؤية أهلي هاي " حِلّم " گلبي يبنض بقوة وجسمي يرجف أحس بخمول وغثيان حاولت أقرّة قُرآن أدعي بَـس ما أكدر حاسة بتعب ونُعاس قوي شفت ألساعة شكد وخابرت عَـلـي * أتفقنة نطلع أخذت بعضي وطلعتلة لكيتة كاعد ووجهة أحمرر ! شكلة تعبان لدرجة موطبيعية شربت ميَ وطلعنة نمشي لحدما وصلنا لسيارة ركبنها ومشينا وألهدوء وألسكوت يقتلَ لا أنا إلك خلك ولا عَـلـي عندة حيل أثنينا حالتنا أسوء مـن بعض . وكفنة يم مطعم أخذنا أكل سفري ما أشتهي أكل مـن ألتعب بَـس أكلت علمود أسند گلبي و عَـلـي أكل شوية وكمل سياقة . مشينا هواي بسيـارة سـاعتين متواصلة نمشي لحدما شفت سيطرة كربلاء ألمُقدسة ! ما سألت ولا حچيت شيء قضيت طريق أستغفر بداخلي وأدوس على ألمسبحة إلي بأصبعي . أوصـل 2000 إستغفار وأرجع أعيد لحدما وصلنا لبيت خـالي . ما نندلّ بيتهُم بقى عَـلـي و خالي على تواصل حتَّى خالي يدلينا ببيتهُم بلمضبوط وصلنا إلهُم أستقبلونا بكُل روح وفرحة ضحكتهُم ما فارقت وجهُم على عكسنا إحنا روحنا ما طايقيها . راح عَـلـي ينام داريد ألحگة وگفني خالي إيهاب : شبيكُم بابا خو ما صاير شـيء ؟ متعاركين ؟ إبتسم أطمنة : - لا خالو ماصاير شيء بَـس تعبانين مـن ألطريق وهم چنة بلنجف قبل مانجي لكربلاء . إيهاب : متأكدة ؟ هاي ملامحكُم مو ملامح تعب ملامح هبطة وقهر _ماراح أضغط عليچ خاف ماتردين تسولفين بَـس أنا مثل أبوچ تينا وَتـيـن : ونِعم أفضل أب بَـس صدكني تعبانين وما متعاركين ، وأي صح منهبطين لأن صديـق عَـلـي إنتـ // ـحر ، قبل سـاعات تقريبًا وسالفة طـويلة من أرتاح أسولفلك كل شيء . إيهاب : ألله أكبر لا إلـة إلى ألله شنو ألمُصيبة إلي مـن كُبرها إذا صابت ألانسان يخلي يفقد ألامـل بألله تعالى ويجبرة يروح لطريق ألانتـ // ـحار .؟ - رُفعت أكتافي بمعنى " ما أعرُف " مميلة شفتي بأس رحت للغُرفة لحگت عَـلـي لكيتة سابح ومتمدد يحاول ينام سبحت أنا وكعدت يمة أمشط بشعري سمعتة أخذ نفس بصوت عالي أخذ نفس بخنگة إنداريت عليّة حطيت أيدي على خدي أباوعلة وَتـيـن : ما نمت لهسة ؟ - جاوبني بنرة مهزوزة أحبالة صوتية ترجف ! عَـلـي : عيني متأخذ نوم . - باوعلي بتساؤل عيونة تلمع عَـلـي : تتوقعين هسة هوَ بلنار ؟ يكولون كل شخص منتـ // ـحر ببلنار وَتـيـن : ألله رحيم عَـلـي : ألله رحيم بَـس بنفس ألوقت ألله " شديد ألعقاب " _و بـاتـر ما مسوي بحياتة خير كل حياتة جابها حرام بـ حرام ، خايف عليّة وَتـيـن : ألله لطيفًُ خبير يعلم بنيات ويعلم بذات صدور رب ألعالمين ميعاقب ألمُنتـ // ـحر لأن إنتـ // ـحر يعاقبة لأن فقد أملة بربة وفقد إيمانة . عَـلـي : أهخ ياربي دخيلك يا إللهي - تقربت يمة حطيت راسة بحضني أدلكلّة راسة وأقرة عليّة * بلكت يهدى ويبرد گلبة وينام . نص سـاعة وثگِلّت أنفاسة عرفتة نام كُمت مشطت شعري وتمددت بصفة أنام يمة * كعدت ومالكيت عَـلـي موجود يمي . لبست صايتي وحجابي وطلعت أدور عليّة بعيوني لكيت خالي كاعد يقرة قُرآن رحت كعدت يمة حسّ بـوجودي تصدق وباوعلي ببتسامة وَتـيـن : ويـنة عَـلـي ؟ إيهاب : طلع وكال اتأخر لا تنتضروني أجت مرّة خالي و مرة إبن خالي كعدوا يمي دانسـولف عـادي ودخل أبن خالي يعيط وعصبي ! توقعتة عصبي على شيء يستحق ألعصبية وألعياط طلع لأن مرتة ما غسلت ألطامرة معصُب ! حچت مرة خالي تحاول تهدي ألوضع * إيمان : كول يالله يايُمة عيب منا ألبنية ألجيران شيكولون علينة على هذا صياحك كل يوم نفس ألاسطوانة كافي تعصب على أشياء مالها داعيَ . مُرتضى : أحط رجلي بلجيران مالچ علاقة أنتِ - أشر على مرتة وسبها بكلام مُبرح كدامنة كلنا ! مُرتضى : تعاي بنت ألگلب دنعل صفحة أبوچ ليش ما غاسلتها ماتدرين راح يجون صُحباني أسـراء : نسيتها هسة راح أغسلها على سريع - كامت داتريد تروح تغسل طارمة سحبها مـن زندها ورگعها براچدي حيل قوي ! شهگت من قوتهة لدرجة حتَّى صوت ألراجدي ملة ألبيت كامت مرة خالي تحامي وكفت بنصهُم چان مُرتضى يدفعها بقوة رادت توگع بَـس كُمت بسرعة وسندتها رجع ضرب أسـراء وشبعها فشاير وغلط وطعن وسب وتسفيل دايطلع مـن ألبيت كعدت مرة خالي بلگاع تبچي ورُفعت أيدها تدعي إيمان : روح يا مُرتضى عساك بمُصيبة إلها بداية مالها نهاية ألله لا يسامحك . _ماراضية عليك لحد يوم ألدين . #وَتـيـن #شـرايين_ألمغور - @woioij