ویاړم🇩🇪🇦🇫📚👩🏻‍🎓 زما وړه ډیوه خور نن د ښوونځي څخه په عالي درجه فارغه شوه. نه یوازې دا چې د ټولګي لایقه زده کوونکې سوه، بلکې ورسره یې تر ټولو د ښو اخلاقو، مهربانې، ښکلې، منظمې او بهترینې الګو نوم هم وګاټه. ډیوه خور مې دوه ځله د ښوونځي لپاره د مور پلار له خوږې غېږې جلا او مسافره شوه. اول ځل کله چې شپږ کلنه وه، او زموږ د کلي ښوونځي یې وسوزاوه، په بمونو یې والوزاوه. هغه وخت مې مور پلار دواړو خپل زړونه غټ کړل او موږ ته یې د زده کړو، لویو خوبونو په لور د مخکې تګ اجازه راکړه. زموږ کلیوال، ساده کوچیاني ادې ابا دا لویه قرباني ورکړه چې موږ یې له تیاره جونګړو د رڼا ښکلې دریڅه پرانیسته. هغه وخت موږ د خدای بختور وو، ځکه وړې ډیوې به هره اونۍ یوه شپه د خپلې خوږې مور غېږې ته رسوله او کلي ته به تله راتله . خو چې اووم ټولګي ته ورسیدله. دا ځل د علم او پوهې دروازو ته په ټول وطن کې غټ غټ قلفونه واچول شول. زموږ وړه ډیوه بیا ځلي د ښوونځي لپاره غرونه غرونه د یوې بلې لویې وچې مسافره او میشته شوه. دا ځل د خپلې مور له غېږې کالونه مسافره شوه. ډیوه ما وړه په خپله غېږه کې له نورو خویندو ورونو سره رالویه کړه، داسې لکه خپل اولاد چې مور پلار رالویوي. زه نن بې انتها خوشحاله یمه لکه مور چې خپلې وړې. بچۍ، لورکې له ښوونځي فارغیدو ته حوسیږي، یا ښایي تر هغې هم لوړ او ژور حس لرمه. نن له ویاړه نه پوهیږم څه ولیکم! له خدایه غواړم؛ زما وړه ډیوه دې بیا بیا راته همداسې وځلیږي. د نړۍ په بهترینو پوهنتونونو. کې لوړې زده کړې وکړي. ډیوه مې د افغانستان او ټولې نړۍ لپاره د خدای یوه ستره ډالۍ ده. باورمنه یمه؛ چې خپل انساني مسوولیت به په رېښتونې بڼه ترسره کړي. نن یو درد هم زړه کې لرمه چې د هغې همزولې او نورې په زرګونو نجونې وطن کې له زده کړو محرومې دي. خدای دې وکړي نور د وطن د لوڼو په مخ د ښوونځیو دروازې پرانیستل شي او هره بچۍ مو د علم په ګاڼه وپسولل شي. - @maryam_amarkhil