:အရှင်ဘုရားဘုရားတပည့်တော်မ (တနလာ်သမီး) သည် သက်ရှိထင်ရှားရှိနေကြသော ကြာသပတေးဖြစ်သော အဖေ နှင့် ကြာသပတေးသမီးဖြစ်သော အမေ မိဘနှစ်ပါးအတွက် သောက်တော်ရေ (၂၄)ခွက်၊ ဆီမီးအလင်းတိုင် (၂၄)တိုင်၊ ဝတ္ထုငွေ (၂၄)ရွက်၊ မြတ်သောပန်း (၂၄)ပွင့်တို့ဖြင့် သဒ္ဓါကြည်ဖြူစွာ ဆည်းကပ်လှူဒါန်း ပူဇော်ပါ၏ အရှင်ဘုရား။ ၁။ ဤသို့ သောက်တော်ရေ (၂၄)ခွက် သဒ္ဓါကြည်ဖြူစွာ ဆည်းကပ်လှူဒါန်း ပူဇော်ရသည့် အကျိုးအားကြောင့် ဘုရားတပည့်တော်မ၏ အဖေ နှင့် အမေ တို့သည် အနှောင့်အယှက် အတိုက်အခိုက် အနှောင်အဖွဲ့ ကင်းပြီး၊ ဤသောက်တော်ရေကဲ့သို့ အပူခပ်သိမ်း ငြိမ်းအေးကာ စိတ်နှလုံး အေးချမ်းရပါလို၏ အရှင်ဘုရား။ ၂။ ဤသို့ ဆီမီးအလင်းတိုင် (၂၄)တိုင် သဒ္ဓါကြည်ဖြူစွာ ဆည်းကပ်လှူဒါန်း ပူဇော်ရသည့် အကျိုးအားကြောင့် အဖေ နှင့် အမေ တို့သည် ဤအလင်းတိုင်ကဲ့သို့ ကောင်းသော ဂုဏ်သတင်းများ ထွန်းလင်းတောက်ပပြီး ဘဝ၏လမ်းခရီး အမြဲလင်းထိန်ရပါလို၏ အရှင်ဘုရား။ ၃။ ဤသို့ ဝတ္ထုငွေ (၂၄)ရွက် သဒ္ဓါကြည်ဖြူစွာ ဆည်းကပ်လှူဒါန်း ပူဇော်ရသည့် အကျိုးအားကြောင့် အဖေ နှင့် အမေ တို့သည် ကျန်းမာရေး၊ လူမှုရေး၊ စီးပွားရေး အဆင်ပြေချောမွေ့ပြီး ငွေကြေးလာဘ်လာဘများ ပွင့်လန်းကာ ကြွယ်ဝချမ်းသာရပါလို၏ အရှင်ဘုရား။ ၄။ ဤသို့ မြတ်သောပန်း ((၂၄)ပွင့် သဒ္ဓါကြည်ဖြူစွာ ဆည်းကပ်လှူဒါန်း ပူဇော်ရသည့် အကျိုးအားကြောင့် အဖေ နှင့် အမေ တို့သည် ဤပန်းကဲ့သို့ လူချစ်လူခင် ပေါများပြီး လှပတင့်တယ် မွှေးပျံ့သော ဂုဏ်သတင်းကြော်စောခြင်းတို့ဖြင့် သက်တော်ရာကျော် ရှည်ရပါလို၏ အရှင်ဘုရား။ "ဘုရားတပည့်တော်မသည် ရှင်တော်ဘုရားအား ရိုသေမြတ်နိုးစွာဖြင့် မိဘနှစ်ပါး ဘုန်းကံမြှင့်မားစေပြီး လာဘ်လာဘများတိုးပွားပြီး အလုပ်အကိုင်အခွင့်အလမ်းများ အဆင်ပြေချောမွေ့ပြီး မကောင်းသောဘေးအန္တရာယ် ကင်းဝေးစေရန် မေတ္တာသုတ်တော် (၃) ခေါက်၊ ပဋ္ဌာန်းအကျဉ်း ဒေသနာတော် (၃) ခေါက် တို့ကို ရွတ်ဖတ်ပူဇော်လှူဒါန်းခွင့်ပြုပါ အရှင်ဘုရား။"@𐙚 ˚HSOUNG"🪐 - @kyillmoe15