இலங்கையில் புற்றுநோய் கண்டறிதல் சேவைகளில் ஒரு முக்கிய மைல்கல்லாக, PET-CT ஸ்கேன் பரிசோதனைகளுக்கு அத்தியாவசியமான ‘புளோரோடியோக்ஸிகுளுக்கோஸ்’ (Fluorodeoxyglucose – FDG) எனப்படும் கதிரியக்க மருந்து உள்நாட்டிலேயே உற்பத்தி செய்யப்பட ஆரம்பித்துள்ளது. இது சுகாதார மற்றும் ஊடகத்துறை அமைச்சு, இலங்கை அணுசக்தி சபை மற்றும் அக்சஸ் இன்ஜினியரிங் நிறுவனம் (Access Engineering PLC) ஆகியன இணைந்து முன்னெடுக்கும் ஒரு அரச-தனியார் கூட்டுத் திட்டமாகும். இதற்கு முன்னர் இந்த மருந்து இந்தியாவிலிருந்து இறக்குமதி செய்யப்பட வேண்டியிருந்ததோடு, இதன் ஆயுட்காலம் மிகவும் குறைவு (short half-life) என்பதால் விநியோகத் தடைகளும், நோயாளிகளுக்கு அதிக செலவும் ஏற்பட்டு வந்தது. இந்த உள்நாட்டு உற்பத்தியின் மூலம், கொழும்பு தேசிய மருத்துவமனையின் PET ஸ்கேன் சேவை வாரத்திற்கு மூன்று நாட்கள் வரை அதிகரிக்கப்படும் என சுகாதார மற்றும் ஊடகத்துறை அமைச்சர் வைத்தியர் நலிந்த ஜயதிஸ்ஸ குறிப்பிட்டுள்ளார். மேலும், மஹரகம அபெக்ஷா (அபேக்ஷா) புற்றுநோய் மருத்துவமனைக்கும் இந்த நடைமுறை எதிர்காலத்தில் அறிமுகப்படுத்தப்படவுள்ளது. இந்த உள்நாட்டு உற்பத்தியின் மூலம் நோயாளிகள் விரைவாகப் பரிசோதனைகளைச் செய்துகொள்ள முடிவதுடன், மருந்து இறக்குமதிக்காக செலவிடப்படும் வெளிநாட்டு நாணயத்தை மிச்சப்படுத்துவதும் இதன் முக்கிய நோக்கங்களாகும். - @akdour.king