@sadaam_mane: Agaasimaha Cisbitaalka Guud ee Boorama, Dr. Sahal Ahmed Hussein Oomane, ayaa maanta qado-sharaf ku maamuusay Wasiirka Wasaaradda Horumarinta Caafimaadka JSL, Dr. Xuseen Bashiir Xirsi, oo uu wehelinayay Agaasimaha Cisbitaalka Guud ee Hargeysa, Dr. Axmed Wali Daahir, iyo Agaasimaha Waaxda Maanka Ee Wasaaradda Horumarinta Caafimaadka JSL, Dr. Yacquub Aw Aadan. Munaasibadda waxaa goobjoog Ka ahaa Isku-duwaha Wasaaradda Horumarinta Caafimaadka Gobolka Awdal, Dr. Muuse Axmed Aadan, Guddoomiyaha Ururka Dhakhaatiirta Somaliland iyo Guddoomiye Ku-xigeenka ururkaas, iyo sidoo kale qaar ka mid ah dhakhaatiirta waaweyn ee Gobolka Awdal, oo ay ka mid yihiin Dr. Ibraahim Siciid Qawas iyo Dr. Siciid Axmed Walhad. Sidoo kale waxaa goob-joog ka ahaa Xoghayaha Dawladda Hoose ee Boorama, Farxaan Habane, Suldaan Cabdi Nuur Cabdillaahi Jimcaale, iyo qaar ka mid ah culimada Gobolka Awdal. Masuuliyiintii iyo marti-sharaftii ka hadlay kulanka ayaa adkeeyay muhiimadda ay leedahay iskaashiga hay'adaha caafimaadka iyo dhammaan bahda caafimaadku si kor loogu qaado tayada adeegyada caafimaadka ee Gobolka Awdal. Waxay sidoo kale carrabka ku adkeeyeen in la xoojiyo wada-shaqaynta iyo horumarinta adeegyada caafimaadka si bulshada gobolka loo gaadhsiiyo adeeg caafimaad oo tayo leh. Kulankan ayaa qayb ka ah dadaallada joogtada ah ee lagu horumarinayo adeegyada caafimaadka iyo tayeynta xarumaha caafimaadka ee Gobolka Awdal. Jama Dude Madaxa Xafiiska Warbaahinta Wasaarada Harumarinta Cafimadka Gobolka Awdal

711

There are no more comments for this video.

To see more videos from user @sadaam_mane, please go to the Tikwm homepage.