ඇත්තටම මේ song එක ගත්තොත් මගේ personal life එකට ගොඩක් සමීපයි... මේක release උන දවස්වලම වගේ මගේ ජීවිතේට මායාකාර ගැහැනු ආත්මයක් හම්බුණා. මං අදටත් දන්නෙ නෑ එයා මට හිමිවෙන්න ආවද... නැත්නම් මගේ ජීවිතේ ලස්සනම මතකයක් වෙලා ඉන්න විතරක් ආවද කියලා. ඒත් එක දෙයක් විතරක් මං හොඳටම දන්නවා... දෛවය කිසිම හේතුවක් නැතුව මිනිස්සු හමුවෙන්න සලස්වන්නෙ නැහැ. ඉතින් ඒ දවස්වල පිස්සුවෙන් වගේ මේ සින්දුව ඇහුවේ. මේ සින්දුවේ lyrics මගේ කතාවට කිසිම සම්බන්ධයක් නෑ... ඒත් මේ melody එකේ හැම ස්වරයක්ම අදටත් මාව අරගෙන යන්නෙ ඔයා හිටපු ඒ කාලෙට. සමහර සින්දු තියෙනවා... කතාව කියන්නෙ නෑ, ඒත් මතක අවදි කරනවා. මේකත් එහෙම එකක්. එතකොට එයාව බලන්න class ගියපු දවස්... train එකේ යද්දි එක වතාවක් හරි එයාව දැක්කාම මුළු දවසම ලස්සන වුණා වගේ දැනුණු හැටි... ඒ තත්පර කීපය වෙනුවෙන්ම මුළු ගමනම වටිනවා කියලා හිතුණු හැටි... අදටත් හිත නිහඬව මතක් කරනවා. කොහොම හරි මගේ යාළුවෙක් ලවා මං ආදරේ වග එයාට කියන්න පුළුවන් වුණා. ඒත් එයාගේ හිතේ තිබුණේ යාළුකමක් විතරයි. ඒකට මං එයාට කවදාවත් මුකුත් කිව්වෙ නෑ. මොකද ආදරේ කියන්නෙ කෙනෙක්ට බලෙන් දැනෙන්න සලස්වන්න පුළුවන් දෙයක් නෙවෙයි. ඒක දැනෙන හිතකට විතරයි දැනෙන්නෙ. එයා වෙනුවෙන් මං කරපු, කියපු දේවල් වගේම... නොකියපු දේවල් තවත් ගොඩක් තිබුණා. ඒ හැමදේම එයා නොදැනුණා වගේ හිටපු හැටිත් අදටත් මට මතකයි. සමහර හැඟීම් වචන වෙන්න කලින්ම නිහඬ වෙනවා. සමහර ආදර කතා කවදාවත් කෙනෙක්ට සම්පූර්ණයෙන්ම කියලා ඉවර කරන්න බැහැ. කාලය ගෙවිලා... මේ වෙද්දි අවුරුද්දකටත් වැඩියි. ජීවිතේ ගොඩක් දේවල් වෙනස් වෙලා. ඒත් සමහර මතකවලට කාලය කියන දේ බලපාන්නෙ නැහැ. අදත් මේ සින්දුව ඇහෙන හැම මොහොතකම මගේ හිත නතර වෙන්නෙ එදා තිබුණු ඒ නිහඬ බැල්ම ළඟමයි. එක විනාඩියකට හරි මං වෙන්න පුළුවන් වුණා නම්... මගේ හිතේ ඔයා වෙනුවෙන් තිබුණු ආදරේ කොච්චර අවංකද කියලා ඔයාට තේරෙයි. මං හංගගෙන හිටපු හැම හැඟීමක්ම, හිත ඇතුළේ නිහඬව කතා කරපු හැම වචනයක්ම, එක මොහොතකට හරි ඔයාට දැනෙයි. සමහර වෙලාවට මං හිතනවා... කවදාහරි දවසක ඔයාගේ ආදරේ මට ලැබුණොත්, මේ මුළු ලෝකෙම ඉන්න වැඩියෙන්ම සතුටු වෙන මනුස්සයා මම වෙයි කියලා. මොකද මං හෙව්වේ ලෝකයක් නෙවෙයි... මගේ ලෝකෙම වෙලා හිටපු ඔයාව විතරයි. සමහර මිනිස්සුන්ව හමුවෙනවා කියන්නෙ ජීවිතේ වෙනස් වෙනවා කියන එක. මට ඒ වෙනස ඔයා වුණා. ඉපදෙන හැම ආත්මයකදීම... ලියවෙන හැම ජීවිතයකදීම... මගේ එකම ප්‍රාර්ථනාව ඔයාවම නැවත හමුවෙන එක. මේ වතාවෙ වගේ දුරින් බලන් ඉන්න නෙවෙයි... මගේ හිතේ තියෙන ආදරේ ඔයාගේ හිතටත් දැනෙන විදිහට, එකම මාවතක එකට ඇවිදින දෙන්නෙක් වෙන්න. මොකද මගේ හිත තෝරගත්තේ එකම එක නමක්... අදටත් ඒ නම වෙනස් වෙලා නැහැ... වෙනස් වෙන්නෙත් නැහැ. සමහර මිනිස්සු අපේ ජීවිතේට එන්නෙ අපිට අයිති වෙන්න නෙවෙයි... අපිට ආදරේ කියන්නෙ මොකක්ද කියලා ඉගැන්නලා, ජීවිතේ පුරාවටම අමතක නොවන මතකයක් වෙලා ඉන්න. ඒ නිසා අදත්... මේ සින්දුව ඇහෙන හැම වතාවකම මගේ හිත නිහඬව එකම නමක් මතක් කරනවා... ඒ නම කවදාවත් කිසිම සින්දුවක තිබුණෙ නැහැ... ඒත් මගේ හිතේ හැම තැනම තාමත් ඒ නම ලියවිලා තියෙනවා. සමහර ආදර කතා අවසානයක් ලියන්නෙ නැහැ... ඒවා හැමදාම හිතේ ජීවත් වෙනවා. ඔයා ඒ වගේ කතාවක්... මගේ ජීවිතේ ලස්සනම, නිහඬම, අවංකම පරිච්ඡේදය. 🤍 #punsara_edits #sinhalasong #whatsappstatus #rathukammul #lyricsvideo @Dilsara - @punsara_quotes