#ကျောင်းပညာရေးမှာထည့်သင်သင့်တဲ့ဝိပဿနာဘာသာရပ်# * မကြားဝံ့မနာသာ ဒုစရိုက်မှုတွေ လျော့ပါးဖို့၊ ကလေးတွေတိုင်းကိုယ်ကျင့်တရားကိုတန်ဖိုးထားတတ်ဖို့နဲ့စိတ်ကိုကောင်းကောင်းထိန်းကျောင်းနိူင်ဖို့ ကျောင်းပညာရေးမှာ ဝိပဿနာ ဘာသာရပ်ပြဋ္ဌာန်းပေးသင့်ပြီ။ * ခန္ဓာကိုယ် ကြံ့ခိုင်ရေးအတွက် ကာယလေ့ကျင့်ခန်းတွေ သင်ကြားပေးသလို စိတ်ပိုင်းဆိုင်ရာ စောင့်ရှာက်ထိန်းသိမ်းနိူင်စွမ်း သန်စွမ်းဖို့ အတွက် စိတ်ပိုင်းဆိုင်ရာ လေ့ကျင့်ခန်းအဖြစ် ဝိဿနာကို ဘာသာရပ်တစ်ခုအနေနဲ့ ကျောင်းပညာရေးမှာ ပြဋ္ဌာန်းပြီး နိူင်ငံ အဝှမ်း သင်းကြားပေးရင် နောင်မျိုးဆက်အတွက် သိပ်ကောင်းတဲ့ ကိုယ်ကျင့်တရားတည်ဆောက်ပေးမှု တွေဖြစ်လာမှာပါ။ * မိဘတိုင်း ကိုယ့်သားသမီးတွေကို လူတော် ဖြစ်စေချင်ကြသလို လူကောင်းလေးတွေလဲ ဖြစ်စေချင်ကြတာပါဘဲ။ ဒီနေ့ခေတ် ကလေးငယ်တွေဟာ ကျောင်းနဲ့ အိမ် ပညာရှာရင်းသာ အချိန်တွေကုန်ဆုံးနေကြချိန်မှာ လူတော်ဖြစ်ဖို့ ဘဲ အသားပေးနေကြပြီး လူကောင်းဖြစ်ဖို့ အသားပေးတာ နည်းနေတယ်လို့ စိတ်ထဲမှာ ခံစားမိပါတယ်။ * လူဘယ်လောက်တော်တော် လူကောင်းမဖြစ်ရင် အကျိုးမရှိပါဘူး။ ပတ်ဝန်းကျင် ဒုက္ခပေးတတ်တဲ့ သူတွေသာ တိုးပွားလာမှာပါ။ ငယ်စဉ်ကတည်းက ကိုယ်ကျင့်တရားကို တန်ဖိုးထားတတ်အောင် ပြုစုမပျိုးထောင်ခဲ့ရင် ကြီးလာချိန်မှာ ဒါကောင်းပါတယ်လို့ ဘယ်လောက်ပြောပြော အကောင်းအဆိုး ခွဲခြား ခံစားနားလည်ဖို့ သိပ်ခက်သွားပါလိမ့်မယ်။ * ကျောင်း ပညာရေးမှာသာ အချိန်ပိုင်း ဝိပဿနာ အခြေခံလေးတွေ သင်ကြားပေးရင် ကိုယ့်စိတ်ကို ကိုယ် အကောင်းအဆိုးကြည့် တတ်လာပြီး ကောင်းကောင်းမွန်မွန် ထိမ်းကျောင်း စောင့်ရှောက်တတ်လာလို့ လူ့အဖွဲ့အစည်းဟာလဲ ကိုယ်ကျင့်တရားပြည့်ဝသူတွေ များလာပြီး လုံခြုံစိတ်ချရတဲ့ နေချင့်သဖွယ်၊ ဂုဏ်ယူဖွယ် လူ့အဖွဲ့အစည်း တစ်ရပ် ဖြစ်လာမှာပါ။ * ယဉ်ကျေးမှု သင်တန်းတွေ၊ ဝိပဿနာ သင်တန်းတွေ ရှိပေမယ့် မိဘတွေရဲ့ မအားလပ်တာနဲ့ အကြောင်းအမျိုးမျိုးကြောင့် ပို့ဆောင် သင်ကြားမပေးနိူင်တာတွေရှိတာပါဘဲ။ ပညာရေးဋ္ဌာနက အချိန်ပိုင်း သင်းရိုးတစ်ရပ်အနေနဲ့ ယဉ်ကျေးမှု ဘာသာရပ်ကို ထည့်သွင်းပေးမယ် ဆိုရင် ဒီအခက်အခဲတွေ ပြေလည်လာမှာပါ။ * ဒါကို လစ်ဘယ် နဲ့ အမျိုးသားရေး အားပြိုင်တဲ့ မျက်စိမျိုးနဲ့ မကြည့်ဘဲ ကလေးတွေကို ကာယလေ့ကျင့်ခန်း သင်ပေးသလို စိတ်ပိုင်း လေ့ကျင့်ခန်းသင်ပေးတယ်ဆိုတဲ့ အမြင်မျိုးနဲ့ ကြည့်ပေးဖို့ လိုပါလိမ့်မယ်။ မိဘတိုင်း သားသမီးအပေါ် လူတော် လူကောင်း တစ်ယောက်အနေနဲ့ ဖြစ်လာစေချင်တဲ့ ခံစားချက်နဲ့ ကြည့်လိုက်ရင် ယနေ့ခေတ်ရဲ့ ရုပ်ပိုင်း ဆိုင်ရာတွေတိုးတက်လာမှုမှာ ကိုယ့်မျိုးဆက်အတွက် စိတ်ပိုင်းဆိုင်ရာ ဖွံ့မျိုးမှု အမွေတွေ ပေးထားခဲ့ချင် ကြမှာပါ။ မေတ္တာဖြင့် **** win kyaw naing. - @win.kyaw.naing30