@bibekshah7: Aar-Ti B Chhe-Tri २१ वर्षकी क्रिकेट खेलाडी आरती क्षेत्रीको यो म्यासेज मैले सुरुमा सामान्य गुनासो होला भनेर खोलेको थिएँ। तर जब मैले पूरा कुरा पढेँ… अनि प्रमाणहरू, लालपुर्जा, निवेदन, सहमतिपत्र, वडा र न्यायिक समितिमा दिइएका कागजहरू हेर्दै गएँ… त्यो एउटा सामान्य जग्गा विवाद रहेन। त्यो एउटा परिवारको बाँच्ने संघर्ष बन्यो। एकातिर बाबा बितेको १० वर्ष… अर्कोतिर आमाले दुःख गरेर हुर्काएका छोराछोरी… कमजोर आर्थिक अवस्था… टहरा जस्तो घर… अनि त्यसमाथि आफ्नै नाममा दर्ता भएको निजी जग्गामा खेती गर्न नपाउने अवस्था। आरतीको दाबी अनुसार विपक्षी पक्षले छुट्टै १० कट्ठा जग्गा पाइसकेको छ, अंशबण्डा पनि भइसकेको छ। तर त्यसपछि पनि आरतीहरूको निजी जग्गाभित्र संरचना राखेर हकदाबी गरिएको आरोप छ। २०७९ मा वडा र न्यायिक समितिको रोहवरमा १२ लाख ५० हजार रुपैयाँमा सहमति पनि भयो। तर आजसम्म कार्यान्वयन भएन। त्यसपछि झन् अवस्था चर्किँदै गयो भन्ने आरोप छ— ४ वर्षसम्म वडाबाट सिफारिस रोकिएको, नापजाँच गर्न नदिएको, खेती गर्न ट्याक्टर छिर्न नदिएको, अन्नबालीमा बाख्रा बाँधिएको, बाख्राको डोरी काटिएको, गालीगलौज भएको… असार १६ गते आफ्नै खेत जोत्न ट्याक्टर बोलाउँदा समेत “खेती गर्न दिँदैनौँ” भन्दै रोक लगाइएको दाबी छ। सबैभन्दा दुःख लाग्दो कुरा के लाग्यो भने— यो बहिनी हेल्लो सरकारसम्म पुगेकी छन्। गृह मन्त्रालयको WhatsApp मा पुगेकी छन्। प्रधानमन्त्री र गृहमन्त्रीको Facebook page सम्म पुगेकी छन्। चितवन अधिवेशनमा पुगेर सांसद सोबिता गौतमलाई भेटेकी छन्। तर अहिले पनि एउटै प्रश्न सोधिरहेकी छन्— “आफ्नै नाममा राजस्व तिरेको जग्गामा खेती गर्न नपाएपछि म कहाँ जाऊँ ?” म विदेशमा छु। गएको दुई दिनदेखि प्रहरी, पत्रकार, अदालत, चिनेजाने सबैलाई गुहारेको छु। तर कतैबाट स्पष्ट बाटो ननिस्किएपछि यो भिडियो बनाएको हुँ। यदि बहिनीको पक्षबाट गल्ती छ भने कानुनी रूपमा बुझाइदिनुपर्यो। तर यदि साँच्चिकै अन्याय भएको हो भने… एक २१ वर्षकी खेलाडी छोरीलाई आफ्नै जग्गामा खेती गर्न नदिने अवस्था सामान्य होइन। कृपया यो भिडियोलाई राजनीति मात्रै भनेर नहेर्नुहोस्। यो एउटा परिवारको जीवनको कुरा हो। कसैले कानुनी बाटो देखाइदिनुहोस्। कसैले सम्बन्धित निकायसम्म आवाज पुर्याइदिनुहोस्। कसैले सहयोग गर्न सक्नुहुन्छ भने अगाडि आउनुहोस्। बाकी… यो बहिनी अहिले हजुरहरूकै आशामा छिन्। 🙏 #आरतीक्षेत्री #JusticeForAarti #Devchuli #Nawalparasi #HelloSarkar

Bibek Shah

Open In TikTok:

Region: KR

Saturday 04 July 2026 03:07:33 GMT