@mr.da_personal: I.បុគ្គលិកពូកែធ្វើការ» មនុស្សប្រភេទនេះជាមនុស្សប្រភេទ «សំងំធ្វើការ បង្កើតលទ្ធផល» ពួកគេមិនសូវពូកែប្រើសម្តីទេ ប៉ុន្តែប្រើសកម្មភាពជាភស្តុតាង៖ ១. សកម្មភាពចម្បង៖ ថ្ងៃៗគិតតែពីខំប្រឹងអោនក្បាលធ្វើការងារស្ងាត់ៗ ពួកគេជឿជាក់លើទស្សនៈមួយថា «ការងារល្អ នឹងនិយាយជំនួសយើង» ទើបពួកគេមិនសូវខ្វល់រឿងទៅអែបអប ឬបង្ហាញមុខមាត់ឡើយ លទ្ធផលការងារចេញមកទើបគេដឹង។ ២. របៀបដោះស្រាយបញ្ហា៖ ពេលការងារមានបញ្ហា ឬជួបឧបសគ្គ ពួកគេមិនរត់ទៅត្អូញត្អែរទេ គឺរត់ទៅរកវិធីដោះស្រាយ ប៉ះប៉ូវ និងជួសជុលបញ្ហានោះភ្លាមៗ ទាល់តែរួចរាល់ ទើបពួកគេរាយការណ៍តាមក្រោយ។ ៣. ការយកមុខមាត់៖ ជាមនុស្សមិនសូវចេះនិយាយអួតអាង ឬបំផ្លើសការពិតដើម្បីយកគាប់យកគួរឡើយ ពេលខ្លះការងារដែលខ្លួនធ្វើបានជោគជ័យធំធេង ក៏ពួកគេនិយាយខ្លីៗ និងបន្ទាបខ្លួនថាជាកាតព្វកិច្ចធម្មតា.. ៤. ទំនាក់ទំនងជាមួយមេ៖ ពេលជួបមេ គឺនិយាយតែរឿងការងារផ្លូវការ និងហ៊ាននិយាយការពិតដែលកើតឡើងនៅក្នុងក្រុមហ៊ុន ទោះបីជាការពិតនោះពេលខ្លះស្តាប់ទៅ «រងំត្រចៀក» ឬធ្វើឱ្យមេមិនសប្បាយចិត្តក៏ដោយ ព្រោះពួកគេចង់ឱ្យការងារដើរទៅមុខពិតប្រាកដ។ ៥. តម្លៃពិតប្រាកដ៖ ពួកគេគឺជា «ឆ្អឹងខ្នង» របស់ក្រុមហ៊ុន បើគ្មានមនុស្សប្រភេទនេះទេ សង្វាក់ផលិតកម្ម ឬការងារស្នូលរបស់ក្រុមហ៊ុននឹងត្រូវគាំងដំណើរការភ្លាមៗ ព្រោះពួកគេជាអ្នករែកពន់ការងារធ្ងន់ៗពិតប្រាកដ។ II.ស្វែងយល់ពី «បុគ្គលិកពូកែរាយការណ៍» (The Reporter) មនុស្សប្រភេទនេះជាមនុស្សប្រភេទ «ធ្វើការតាមមាត់ បង្កើតរូបភាព» ពួកគេប្រើសម្តី និងចិត្តវិទ្យាដើម្បីរុញខ្លួនឯងឱ្យលេចធ្លោ៖ ១. សកម្មភាពចម្បង៖ ម្ង៉ៃៗមិនសូវផ្តោតលើការចុះដៃធ្វើការងារធ្ងន់ៗទេ តែពួកគេពូកែសង្កេតមើលថាអ្នកណាធ្វើអី រួចដើរប្រមូលទិន្នន័យ ឬការងាររបស់អ្នកដទៃយកមកចងក្រង ដើម្បីរង់ចាំឱកាសល្អយកទៅនិយាយប្រាប់មេមុនគេបង្អស់។ ២. របៀបដោះស្រាយបញ្ហា៖ ពេលការងារមានបញ្ហាភ្លាម ពួកគេនឹងរត់ទៅប្រាប់មេមុនគេដើម្បីដោះដៃ ហើយនិយាយក្នុងន័យបង្ហាញថា «ខ្លួនយកចិត្តទុកដាក់ និងបារម្ភពីក្រុមហ៊ុន» ប៉ុន្តែ គ្មានរកដំណោះស្រាយ គឺពួកគេគ្មានគំនិតអ្វីទាំងអស់ ក្រៅពីទម្លាក់កំហុសឱ្យអ្នកដទៃ។ ៣. ការយកមុខមាត់៖ ជំនាញចម្បងគឺ «ធ្វើបាន ១ និយាយបំផ្លើសដល់ ១០» ពួកគេពូកែបង្កើតសេនារីយ៉ូ និយាយរាយការណ៍ និងសម្តែងឱ្យមេឃើញថាពួកគេហត់នឿយ និងខំប្រឹងខ្លាំងណាស់ ដើម្បីដណ្តើមយកមុខមាត់ និងភាពលេចធ្លោ (Visibility)។ ៤. ទំនាក់ទំនងជាមួយមេ៖ មិនដែលនិយាយទាស់គំនិតមេឡើយ មេនិយាយអីក៏អើពើ យល់ស្របគ្រប់រឿង ចេះនិយាយពាក្យផ្អែមល្ហែម លើកជើង បញ្ជោរ និងចូលចិត្តយកចិត្តទុកដាក់លើរឿងផ្ទាល់ខ្លួនរបស់មេ ដើម្បីទិញទឹកចិត្ត។ ៥. តម្លៃពិតប្រាកដ ពួកគេប្រៀបដូចជា «ផ្កាលម្អ» នៅក្នុងការិយាល័យ ពួកគេមិនបានជួយឱ្យក្រុមហ៊ុនរីកចម្រើនខាងផ្នែកបច្ចេកទេស ឬលទ្ធផល ពិតប្រាកដទេ ប៉ុន្តែពួកគេពូកែបង្កើតបរិយាកាសរីករាយ និងភាពកក់ក្តៅផ្នែកអារម្មណ៍ដល់អ្នកជាមេ។ បុគ្គលិកពូកែធ្វើការ ប្រៀបដូចជាសរសរគ្រឹះ របស់ក្រុមហ៊ុន ចំណែកឯ បុគ្គលិកពូកែរាយការណ៍ ប្រៀបដូចជាថ្នាំលាបពណ៌ផ្ទះ មើលពីក្រៅឃើញស្អាតភ្លាមៗ តែបុណ្ណោះ នៅក្នុងក្រុមហ៊ុនមួយដែលរឹងមាំ គឺត្រូវការគ្រឹះមាំមុនសិន ទើបលាបពណ៌តាមក្រោយ... ប៉ុន្តែបើមេជ្រើសរើសយកតែថ្នាំលាបពណ៌ ដោយមិនខ្វល់ពីគ្រឹះទេ ថ្ងៃណាមួយផ្ទះនោះនឹងត្រូវ បាក់ស្រុតជាមិនខាន!» ✍️ រៀបរៀងអត្ថបទ សំណេរ : Mr.Da 🚫 ហាមចម្លងយកជាកម្មសិទ្ធិខ្លួនឯង និង សូមជួយដាក់ឈ្មោះ Credit ម្ចាស់ដើមរាល់ពេលយកទៅចែករំលែកបន្ត! #worklife #workmotivation #pageforyou_🔥 #staffy #badminton

Mr.Da_Inspire

Open In TikTok:

Region: KH

Saturday 04 July 2026 04:11:58 GMT