@salahinho08: Sagxad (Support) waa heerka qiimaha Suuqu uu ku istaago marka Suuq jihadiisu ay ahayd mid hoos u socday. Saqaf (Resistance) waa heerka qiimaha Suuqu uu ku istaago marka Suuqa jihadiisu ay ahayd mid kor u jeeday. Si aad u heshid aagga saxda ah ee sagxad iyo saqaf kuu noqon karta isku day in aad calaamadaysid shumacyada fiiqooda (wicks) iyo inta u dhexeysa halka shumac qaybtiisa buuxda ay ku xirmatay (close of the body) Qaanuun ahaan Sagxad waliba in ay samaysanto laba arrimood ayaa u sabab ah, in sarriflayaashii Suugaas iska iibinayay (Sellers) ay fursadii xireen ama qayb faa’idadooda qaateen. Sababta labaad ee sagxad samayn karta waa in Suuqa ay soo galeen sarriflayaal awood leh oo doonaya in ay Suugaas iibsadaan (Buyers) ayna fureen fursado badan oo Buy ah. Dhanka kale sagaf walba oo aad Suuqa ku aragtid qaanuun ahaan laba sababood midkood ayaa keeni kara, in sarriflayaashii Suuqaas iibsanayay (Buyers) ay fursadahooodii xireen, si ay faa'idadooda u qaataan. Sababta kale ee saqaf muuqda Suuqa ka samayn karta waa in Suuqa ay soo galeen sarriflayaal badan oo doonaya in ay lacagtaas iska iibiyaan (Sellers) ayna fureen fursado ay Suuqaas iskaga ibinayaan.

salahinho08

Open In TikTok:

Region: SO

Saturday 04 July 2026 10:34:47 GMT