@walaa.egy.beauty: 48 سنة من عمري… شفت فيهم من الحياة كتير، فرح ووجع، كسر وجبر، فقد وعوض. اتعلمت إن بعض الخسارات ما بتتعوضش، وإن أصعب وجع هو فقدان اللي كان الأمان والسند. أول عيد ميلاد يمكن أحسه ناقص من غير أمي… من غير دعوة منها، حضنها، وفرحتها بيا. لكن مؤمنة إنها في مكان أحسن، وإن دعواتها لسه محاوطاني لحد دلوقتي. يمكن ندمت على حاجات، واتأخرت في حاجات، بس الحمد لله على كل اللي فات، لأنه صنعني بالشكل اللي أنا عليه النهارده. وفي سنة جديدة من عمري، بتمنى لقلبي سلام، ولأمي رحمة ونور، ولبناتي مستقبل يفرحني بيهم، وليا عوض من ربنا يهون كل اللي فات.