@bilalahmedkhan.in: Pakistan ka circular debt scam explained Power sector ka gardishi qarza kam hone ka hukoomati daawa gumrah kun nikla, power sector ka gardishi qarza mazeed sangeen ho gaya, das mah mein qarzon mein kami ke bajaye 240 arab rupay ka izafa ho gaya. Express News ke mutabiq, Economic Policy and Business Development Think Tank ki janib se jari kardah report mein inkishaf kiya gaya hai ke refinancing aur recycling se gardishi qarza kam nahi hua, balke sirf tabdeel hua hai. Think Tank report ke mutabiq, mali saal 2026 ke ibtidai 10 mah ke doran naye gardishi qarz mein 240 arab rupay ka izafa hua aur yeh qarza 1854 arab rupay tak pohanch gaya. Report ke mutabiq, hukoomati idaron ne power sector ke majmoi gardishi qarzon ke hajam mein 23 feesad kami zahir ki hai, jabke mali saal 2026 ke ibtidai 10 mah ke doran naye gardishi qarzon ke hajam mein be panah izafa hua. Report mein bataya gaya hai ke mehnge power purchase agreements, kamar tor capacity charges aur bijli ki taqseem karne wali companies power sector khasaray ki bunyadi wajah hain. #etribune #Pakistan #ElectricityBills #CircularDebt #PowerSector

Bilal Ahmed Khan

Open In TikTok:

Region: PK

Saturday 04 July 2026 13:37:09 GMT