@justttmariem: وش السالفة الأصلية؟ أنا أول شيء تكلمت عنه هو كيف صارت حركة التجاهل بالضبط وكلام هاني الحرفي. اللي صار إن هاني وعضوات إيليت سلموا على بعض بالبداية وهم داخلين (وهذي هي اللقطة اللي هايب متمسكة فيها). هاني أصلًا ما تهمها التحية، لكن اللي جرحها صدق ووجعها هو اللي صار بعدين؛ عضوات إيليت سلموا عليها بالبداية من ورا مديرتهم، لكن لما رجعوا ومروا ثانية، المديرت حقتهم قالت لهم بعبارة صريحة: "تجاهلوها"، والفتيات ما قصروا ونفذوا الكلام! لهالدرجة خايفات منها؟ والمضحك إنهم لما استوعبوا إنهم سووا شيء غلط، قلبوها صيّاح ودموع تماسيح وقالوا "خايفات نطلع على المسرح"! سالفة المحكمة وحذف الأدلة: في محكمة الصيف الماضي، شركة أدور وهايب انضغطوا واضطروا يعترفون رسميًا إنهم حذفوا لقطات كاميرات المراقبة الأصلية (وقت الخروج والتجاهل) اللي تقصدها هاني، وخلّوا بس لقطة الدخول والتحية عشان يغطون على فعلتهم! وش جاب طاري هاني في محكمة دانييل؟ الحين فيه قضية ثانية تخص دانييل وأمها ومين هيجين رفعتها شركة أدور عشان يثبتون إن دانييل خرقت العقد. وطبيعي في أي محكمة، محامين كل طرف يقدمون مذكرات ودفوع. محامين أدور وهايب كتبوا في مذكرتهم "ادعاء" يقول إن مين هيجين هي اللي حرضت هاني تكذب بسالفة التجاهل. مع إن هذا الكلام ماله أي دخل ولا فائدة في قضية خرق عقد دانييل! كذبة الفاندوم (القيليت): فاندوم إيليت (خصوصًا العرب و الكوريين) طاروا بالعجة وأخذوا هذا "الادعاء" اللي كاتبينه محامين هايب، وطلعوا في السوشيال ميديا يحتفلون ويقولون: "المحكمة كشفت إن هاني كذابة ومين هيجين لقنتها"! الحقيقة إن المحكمة ما كشفت ولا شيء، ولا حتى ناقشت هذا الموضوع أصلاً؛ كل السالفة مجرد كلام وادعاءات كاذبة من طرف هايب، والجمهور صدقها بدون ما يفهم. الله يعين هاني ومين هيجين ويخلصهم منهم بس! #newjeans #minheejin #hanni #illit #hybe

To see more videos from user @justttmariem, please go to the Tikwm homepage.