ہر وہ شخص جاہل نہیں ہوتا جس کے ہاتھ میں ڈگری نہ ہو، یا جو پڑھنا لکھنا نہ جانتا ہو۔ بعض اوقات سب سے بڑی جہالت وہ ہوتی ہے جب انسان حق کو اپنی آنکھوں سے دیکھ لے، دل اس کی سچائی کی گواہی بھی دے، مگر انا، ضد، مفاد یا تکبر اسے قبول کرنے سے روک دے۔تاریخ گواہ ہے کہ انسان کی ہلاکت ہمیشہ علم کی کمی سے نہیں ہوئی، بلکہ اس لمحے سے ہوئی جب اس نے سچ کو پہچان لینے کے باوجود اس سے منہ موڑ لیا۔ کیونکہ حق کا انکار زبان سے پہلے دل میں جنم لیتا ہے، اور جب دل پر غرور کی مہر لگ جائے تو پھر دلیل بھی بے اثر ہو جاتی ہے۔ ہمیں دوسروں کی مثالوں سے پہلے اپنے دلوں کا جائزہ لینا چاہیے۔ کہیں ایسا تو نہیں کہ ہم بھی نصیحت سنتے ہیں مگر عمل نہیں کرتے؟ قرآن پڑھتے ہیں مگر اس کے احکام اپنی زندگی پر نافذ نہیں کرتے؟ سچ جانتے ہیں مگر اپنی خواہشات کی خاطر اسے نظر انداز کر دیتے ہیں؟ یاد رکھو! اللہ کے نزدیک انسان کی عظمت اس کے علم، حسب نسب یا مقام سے نہیں، بلکہ اس بات سے ہے کہ وہ حق سامنے آنے پر اس کے آگے جھک جاتا ہے یا اپنی انا کے سامنے۔ کیونکہ جو شخص حق کو قبول کر لیتا ہے، وہی حقیقی دانا ہے، اور جو حق کو جانتے ہوئے بھی رد کر دے، وہ اپنی جہالت کا خود اعلان کر دیتا ہے۔ #fyp#foryoupage#DeepThoughts#urduquotes #viral - @abeehafatima9632