ဂရုစိုက်နော် နောက်ဆို ခင်ဗျားအနားမှာရှိနေတော့မှာ မဟုတ်ဘူး။ နောက်ဆုံးမှာတမ်းချွေသလိုမျိုး စကားတွေအများကြီး မပြောချင်တော့ပါဘူး... သိပ်ချစ်ခဲ့တယ်ဆိုတာကို ယုံကြည်ပေးရင်ရပြီ ပြီးတော့လေ အများကြီးမျှော်လင့်ခဲ့မိတာကိုလဲ နားလည်ပေးပါ ။ အများကြီးမျှော်လင့်ထားမိတော့ ဘာမဟုတ်တာလေးကအစ ကိုယ့်မှာပူပန်ရတယ်လေ မတော်တဆများ ဝေးသွားရင်ဆိုပြီးတွေးမိရင် အဲ့ဒီနေ့ အဲ့ဒီညတွေဟာ ကိုယ်ကိုယ်တိုင်ဖော်တဲ့ ငရဲပါပဲ... ကိုယ်နေမကောင်းရင်... ကိုယ့်အစားကိုယ်တောင် မပူခဲ့တဲ့သူမှာ သူနေမကောင်းရင် အစစအရာရာ ပူပေးခဲ့ရတဲ့သူပါ ။ ဆေးသောက်ပြီးပြီလား အစားကောစားရဲ့လား နေလို့ကောင်းရဲ့လား တတွတ်တွတ်မေးတဲ့ မေးခွန်းတွေဟာ အပိုတွေမှန်း မသိခဲ့မိဘူး ။ တစ်နေရာရာသွားတော့မယ်ဆိုရင် ဘယ်သူနဲ့ သွားမှာလဲ... အရက်တွေသောက်မလာနဲ့နော် ညနက်အောင် မနေနဲ့နော်ဆိုတာတွေက ချုပ်ခြယ်တာတွေပေါ့.. အင်း ထားပါတော့နော် ။ နောက်ဆိုရင်... နိုးပြီလားဆိုတဲ့ Messageလေးတွေနဲ့ မနက်ခင်းတွေကို မနှောင့်ယှက်တော့ဘူး ထမင်းစားဦးနော်ဆိုပြီးလဲ တတွတ်တွတ်ပြောမနေတော့ဘူး ။ တစ်ခုခုဖြစ်ရင် စကားတွေအများကြီးပြောပြီး ပြာယာခပ်နေတဲ့ ကျွန်မလဲ ရှိနေတော့မှာ မဟုတ်ဘူး ။ ဂရုစိုက်နော်... စားတာသောက်တာကအစ သွားတာလာတာအဆုံး အစစအရာရာပေါ့ ။ ကျွန်မဆက်ပြီး ရှိနေချင်သေးပေမယ့် လူဆိုတာ ကိုယ့်နေရာကိုယ်သိရတယ်လေ ကျွန်မ ဆက်ပြီးရှိနေသေးတယ် ရှင်မလိုတဲ့ အပိုစကားတွေအများကြီး ပြောနေမိမှာစိုးလို့ ကျွန်မ ဆင်ခြင်လိုက်တော့တာပါ ။ နောက်ဆိုရင်... စကားတွေအများကြီးပြောပြီး ခင်ဗျားကို စိတ်ပူနေမယ့် ကောင်မလေး ခင်ဗျားအနားမှာ ရှိနေတော့မှာမဟုတ်ဘူး ။ ကျွန်မ ဟိုးအဝေးကြီးကပဲ လွမ်းနေမယ့် လမ်းကိုရွေးပါတယ် ။ ဂရုစိုက်နော်... အစစအရာရာပေါ့... အခု နေသလိုမျိုး အရမ်းကြီးလဲ မပေတေနဲ့ ကိုယ့်ကိုယ်ကိုယ်လဲ ပစ်မထားနဲ့ ခင်ဗျားကို ချစ်ခဲ့ဖူးတယ်ဆိုတာကိုတော့ ယုံပါ ။ - @helo50269