@nahaa70: اغدالها ظاهر عنو حد امگعر وهو ماهم اخباريات فيها حت ولايعرفو عن ذي طبيعتها بيهللي ماه ياسرة فيهم زمنها هون تگرا اتعود مع خالتها والا الين تگفل الجامعة ترجع للبادية ولاعندها اختلاط گاع بأهلها ... نگزهم هوماتي بعد كاملات وابگه هو وسلمى وحدهم ... الشيخ : انتي اسمك ؟ ...طرحت سلمى تلفونها وگاتلو : سلمى ... الشيخ : سلمى سمحيلي اعل كلامي اگبيل حگ عني ماكنت يالة نگولو يغير انتي الا منت عمي ومن اولياتي ولانبغي نشوف حد منهم فذيك الوگفة والين شفتها العب بي الشيطان ... سلمى تراجعت عن الاعتذار الكان هامها عاگب الين اعتذر هو وحست گاع عنها ماعدلت ارواية خاسرة ولكانت ماتكلمت يعود شك عنها فيها اعظام كلامو ... سلمى :عادي سامحالك ... الشيخ : معيدلة گاع اثرك ولاه ظاهرة عليك ... سلمى : ذاك شنهو معناه هو اللي ماه متعدل ولاه امللي ظاهرة عليه الا انت ... الشيخ اظحك وصد شورها ... لحگها تخرصو وعاگدة انواصيها ... الشيخ : دور تشيبني بالعجلة الين اتمى الا مكشرة ... سلمى : مافم اعظام يبوي ... اتبسم هو ولا اتكلم ... ومعيدلة عندو ذي اطفيلة وصنعتها وابياظها امللي اللي تدايگ وتصالح مع حد فنفس الوقت ... وگف بيها گدام دار اهلها فتحت الدفة واتلات تنكز ... الشيخ : سلمى ... صدت شورو وگاتلو : ياه ... الشيخ : رجعي يلاه انگولك ذا ... گفلت الدفة وردت راصها بيها اسميع لكلام ... سلمى: ايو شنهو ... الشيخ : اعطيني رقمك ... صرت اعويناتها وگاتلو : شمخلّص ... الشيخ ظحك : ذا اعگاب الليل ماتله وقت الديگة اعطيهلي نتلفن لك الصبح ندايك معاك... ظحكت هي ظحكة اخفيفة بانو منها اسنيناتها لمشركين واعذيب ... سلمى : اكتب عندك واراهو الا نية الاجر ... وغمزتو بعينها ... الشيخ حركت فيه ... هو في النهاية الا راجل وذوك دهرا بغرضهم فلعليات يسوه الگط اجبر منهم ...عاد يدورها الا تعطيه لو واتگظ عنو مرة وحدة ... انتر تلفونو واتله يسجله وهي تگولولو ... مشه شورو الخط ... گطعت عنو ونگزت ... تم واگف يحانيها الين دخلت ... --------- نگزو العرسان گدام ابرتماه الگابظين ... ونگز مع محمد واحد من اصحابو اللي اكرد اطفيل ودخلو ومحمد مذرع للمينة ومخسر عليه ذا اطفل برنامجه بيهللي ماكان باط شاكة عنها هي فيها من الحدبة اللي تطفگو معاها فليلة مروحها ... دخلت لمينة البيت وگبظت وليدها ديدي ومحمد اص نگز يجيب الفاليز ... ادخل محمد واجبرها هي گاعدة اعل المتكة وكاشحة عن وجهها وباگية الا فالرمباية بيها الريحة اللي فالملحفة خايفة اعل اطفيل منها ... وگف محمد الفاليز واتگدم شورهم ... اگعد واعطاها تخريصة يتأمل فيها ذا من ازوين ذي الجفة الملسة ... اكحز شورها واكرد وحدة من ايديها ورگبها لفمو وحبها ... گالها : احمم اطفيل مانك متكيتيه الگدام ... لمينة : كيفاش ذا ايشير مايگد يرگد كون احذايه ... اعگد محمد انواصيه وگالها : كيفاش ونحن مروحين فذي الخلوة والارض البعيد اياك نكبظو راحتنا اطفيل كاع ماتخليه مع اهلك ... لمينة خزرتو وگالت : لاترگب اعليا حسك اطفيل مزال لحمة حمرة وبالسيف ذو ليام خليتو بعيد عني بي الحنة واتخرميزها وانت هو اللي كلت بلسانك عنك عجلان ولاغاديلك فيه الا عاد مافات عاد يگد يبگه وحدو ... محمد اوگف وگالها : يغير ماكنت شاك عنك لاهي تطفگيه معاك ل ابرتماه ذا بلا معنى ... ماجاوبتو لمينة واعطاتو بظهرها وتلات ترظع ديدي ... اتنهد محمد وكان هامو يوخظ يغير ماگد اسكت وتوف يحاني اطفيل يرگد ... بدلت بعد لمينة لباسها ورظعت اطفيل وبدلت لو واتكات احذاه ومحمد امللي اتكه احذاهم يغير ماهامو ارگاد ... الين اعطى نص ساعة والل ذاك ارفد وجهو وخرص ذا هي راكدة واطفيل مللي كيفت ذاك ... افتح باب البيت بشور وارفد اطفيل وتكاه فصلوه ... ارجع لها هي واتكه احذاه ... الا الين دار ايدو اعل حرگفتها جات واعية ... اتلات تكحز عنو اعتن عليها واتله يهموه لحوال ... انغلگت نفس لمينة منادم ماه حاملتو .... رفعتو اعل متن جهدها وجات گاعدة وكاحزة اللورة عنو ... سولتو : ديدي منين ؟؟؟ ... كالها وهو يكحز شورها : تكيتو فصلوه مانه صايبين لو ... والا مزال يدنكس اعطاتو طرشة اعل الحنك الين اتعاگب عليه الليل والنهار !.... ---------- ايو تفاعلو سلمكم كانه نلحكو 30k 😍 وراني مابخلت شي بنرظيكم وراني ملي معلمتكم عن عندي مناسبة ليلة نكد نحصر عنكم اوكي #شعب_الصيني_ماله_حل😂😂 #fooorrryyooouuuupppaaagggge

Na 🐆🥥

Open In TikTok:

Region: MR

Saturday 04 July 2026 16:46:11 GMT