BOONTJIESOP 'n Lekker pot boontjiesop vir die koue weer! B E S T A N D D E L E · 1 kg skaap- of beesvleis · 1 teelepel sout · 1 teelepel witpeper · 3 knoffelhuisies, fyngekap · 2 selderystingels, gekap · 1 ui, grofgekap · 1 biefblokkie · 2 liter water · 1 pakkie gedroogde boontjies · 1 aartappel, gerasper · 3 wortels, gerasper · sout en swartpeper na smaak M E T O D E 1. Braai die vleis in ’n bietjie olie tot bruin. Geur met die sout en witpeper. 2. Voeg die knoffel, seldery en ui by en braai vir 2 minute saam. 3. Krummel die biefblokkie oor en voeg die 2 liter water by. 4. Sit die deksel op en prut vir 1 uur, of totdat die vleis sag is. 5. Terwyl die vleis kook, week die boontjies vir minstens 60 minute in koue water. 6. Voeg die gerasperde aartappel en wortels by die vleis. Voeg nog 1 koppie water by en prut verder. 7. Dreineer die boontjies en kook dit in soutwater vir 20-30 minute, of totdat dit sag is. 8. Druk die boontjies met die water waarin dit gekook het met ’n aartappelstamper fyn. 9. Voeg die boontjiemengsel by die sop en roer goed deur. 10. Proe vir sout en swartpeper. Voeg ekstra water by indien die sop te dik is. 11. Prut vir ’n laaste 15-30 minute sodat die geure mooi kan ontwikkel. 12. Roer gereeld, aangesien die sop maklik kan aanbrand. #omdiekombuistafel #boontjiesop #boontjiesopresep - @omdiekombuistafel