@biyaa.44: . الحدود تجي من قناعاتك، من الأشياء اللي تحسين إنها تمثلك، ومن الأشياء اللي مهما أحد حاول يقنعك بعكسها ما تقدرين تتجاوزينها كل شيء تعتبرينه جزء من كرامتك، راحتك، عاطفتك، قناعاتك أو سلامك النفسي غالبًا هذا واحد من حدودك أي شيء تحسين إنه يضايقك، يستنزفك، أو يخليك مو مرتاحه مع نفسك، ومع ذلك تسمحين له يستمر بحياتك غالبًا هذا حد من حدودك قاعد ينكسر والناس مو لازم تتفق على نفس الحدود، لأن اللي أشوفه أنا عادي ممكن غيري يشوفه تجاوز كبير، واللي أرفضه أنا ممكن غيري يتقبله بكل راحه بالنهاية مو المطلوب إن الكل يفهم حدودك أو يتفق معها، لكن المهم يحترمونها وما يتجاوزونها فيه حدود تخص الاحترام، وحدود تخص الوقت، وحدود تخص المشاعر، وحدود تخص المساحة الشخصية وغيرها، وكلها تختلف من شخص للثاني أنا مثلًا مقتنعه إن أي شيء يخليني أبرر راحتي أو أشرح ليش انزعجت منه، غالبًا هو شيء متجاوز لحدودي من الأساس ومقتنعه اني ما أعطي من مشاعري وطاقتي في مكان ما أشوف فيه وضوح أو تقدير ومقتنعه إن الشعور اللي يجلس داخلك بعد موقف معين مهم جدًا إذا احتجت أقنع نفسي كثير إن اللي صار عادي، فغالبًا هو مو عادي وإذا احتجت أتنازل عن قناعة عندي عشان أرضي شخص، فغالبًا الثمن بيكون أكبر مما أتوقع الموضوع مو تشدد، ولا تعقيد للعلاقات لكن .. فيه أشياء بحياتك إذا تنازلتي عنها مره، بيصير تجاوزها أسهل في المره اللي بعدها، وبيصير صعب تعرفين وين تنتهي رغبات الناس وتبدأ رغباتك أنتِ !! . ايش أكثر حد تعلمتي أهميته بعد تجربة ؟!

🌸🪄

Open In TikTok:

Region: SA

Saturday 04 July 2026 18:58:48 GMT