@moataz_mashal: في فرق كبير بين إن البداية تكون صعبة... وبين إن الباب يكون مسكّر. مش كل تعب هو إشارة إنك على الطريق الصح. وفي نفس الوقت، مش كل عائق معناه لازم تستسلم. في بدايات بتحتاج صبر، تعلّم، ومحاولات كثيرة قبل ما تفتح لك الطريق. وفي أبواب، مهما دفعت فيها، بتضل مسكّرة... لأنها ببساطة مش إلك. الحكمة مش إنك تكمّل بأي ثمن... الحكمة إنك تعرف: هل اللي عم تواجهه هو اختبار لقدرتك؟ ولا رسالة إنه لازم تغيّر الاتجاه؟ أحيانًا الشجاعة إنك تصبر. وأحيانًا الشجاعة الأكبر إنك تترك الباب، وتدور على باب انفتح من أول ما وصلتله. مش كل مقاومة معناها "كمّل"... وفي ناس ضيّعت سنين وهي بتحارب باب كان مسكّر من البداية.