@amrahmedalansary: الإنجاز التاريخي لمنتخب مصر 🇪🇬 النهاردة في كأس العالم طبطبة من ربنا على شعب مطحون في الحياة محتاج يفرح وسط المعاناة شعب بيحبها ويلعن أبوها بعشق زي الداء طبطبة من ربنا على مدرب كبير اسمه حسام حسن مرتين مرة وهو قاعد سنين مستني ياخد فرصته في القيادة اللي تليق بقدراته وتاريخه علشان يخدم بلده وهو قاعد بيتفرج ويتحسر على فشلة بيجيبوا فشلة شأنه شأن كتير من ولاد البلد الشطار اللي محتاجين فرصة ومرة وفئة من ولاد بلده بيهاجموه وبيشككوا فيه وهو ناجح وبيتمنوا له ولمنتخب مصر الفشل بعد مابقى النادي عندهم بديل للوطن اللي مايعرفوش عنه يعني إيه كلمة وطن؟! طبطبة من ربنا على نجم أسطوري اسمه محمد صلاح جاي المنتخب بصفعة من بيته اللي صنع فيه أمجاده (ليفربول) وقبلها بطولة إفريقيا اللي امتنعت عنه ٣ مرات في اللحظات الأخيرة وحملات التشكيك فيشاء الله أن يكون ختامها مسك لصلاح بإنجاز غير مسبوق في كأس العالم أخيرا دموع حسام وإبراهيم حسن ودموع صلاح اليوم درس للجميع : مهما كان عندك أخطاء مهما قابلتك عقبات مهما تجاهلوك أو حاولوا يحبطوك ويوقفوك ما تيأسش حاول لآخر نفس لأن جوائز السماء دايما ربنا شايلها للمجتهدين والمخلصين إنجاز اليوم هو عوض من الله ودرس للجميع بعنوان: وينصرك الله نصرا عزيزا اللهم لك الحمد ولك الشكر كما ينبغي لجلال وجهك وعظيم سلطانك شكرا لكل الأبطال جهاز فني ولاعبين أساسيين واحتياطيين مصر 🇪🇬 كبيرة تستحق واحنا نستحق الفرحة مبروك #منتخب_مصر #مصر #Egypt #حسام_حسن #محمد_صلاح

4062

199

2026-07-04 22:47:46

2026-07-04 22:24:54

2026-07-04 22:41:02

To see more videos from user @amrahmedalansary, please go to the Tikwm homepage.