@.88.58: #Waan kuu haybeyn jiray, waan kuu hiillin jiray, waxaanan kuu jeclaa si aan erayo loogu cabbiri karin. Maalin kasta qalbigaygu magacaaga ayuu la noolaa, rajadayduna waxay ahayd inaad mar uun i eegto indho dareen xambaarsan. Laakiin waxaad ahayd qof ii dhow muuqaal ahaan, haddana iga fog dareen ahaan. Waxaan ku jeclaa anigoon waxba kaa dalban, jacaylkayguna ma ahayn mid hadal badan ku dhisan, ee wuxuu ahaa mid ficil iyo daacadnimo ku nool. Waxaan ku farxi jiray farxaddaada, waxaan ka murugoon jiray murugadaada, xitaa adigoon ogeyn qof kuu ducaynaya inuu ahaa qalbi adiga kuu garaacaya. Waxaan is iri, “Maalin uun wuu dareemi doonaa waxa aan qarinayo.” Laakiin maalmihii way socdeen, xilliyadiina way is beddeleen, adiguna weli ima aadan eegin. Ma aadan arag indhaha ku sugayay, qalbiga ku xusayay, iyo nafta aamusan ee adiga keliya ku mashquulsanayd. Mararka qaar waxaan is weydiiyaa: ma jacaylkayga ayaa kaa gaari waayay, mise qalbigaaga waxaa buuxiyay qof aan aniga ahayn? Jawaabta ma hayo, balse waxaan ogahay in jacaylka aan kuu qabay uu ahaa mid daahir ah, aan dano lahayn, oo aan abaal kale ka sugin aan ka ahayn hal eegmo oo qalbiga dejisa. Ma qoomameynayo inaan ku jeclaaday, waayo jacaylku ceeb ma aha. Waxa keliya ee damqaya waa in qalbi daacad kuu ahaa uusan xitaa helin fursad uu ku tuso waxa uu xambaarsanaa. Waxaa laga yaabaa inaad maalin uun ogaato qiimaha qof si aamusan kuu jeclaa, laakiin maalintaas waxaa laga yaabaa inaan bartay sida qalbigayga uga aamuso xusuustaada. Haddii aan hal erey kuugu reebo, wuxuu noqon lahaa: “Waan kuu haybeyn jiray, waan kuu jeclaa… balse adigu ima aadan eegin. Qalbiga i dayacayse weligiis ma ogaan doono inta jeer ee loogu ducayn jiray aamusnaan.” 🖤

Suhur

Open In TikTok:

Region: SO

Sunday 05 July 2026 03:07:21 GMT